Butwal Today

तीन महिनामै ५८४ कर्मचारीको राजीनामा, नयाँ ऐनको चर्चाले बढायो चिन्ता

१५ असार २०८३, सोमबार
अ
अ+
अ-

काठमाडौं। वर्तमान सरकार गठन भएको तीन महिनाको अवधिमा ५ सय ८४ जना निजामती कर्मचारीले राजीनामा दिएका छन्। राष्ट्रिय किताबखानाको तथ्यांकअनुसार पछिल्लो समय सरकारी सेवाबाट बाहिरिने कर्मचारीको संख्या उल्लेखनीय रूपमा बढेको देखिएको हो।

सरकारले नयाँ निजामती सेवा ऐन ल्याउने तयारी गरिरहेका बेला कर्मचारीको राजीनामा बढेको हो। प्रस्तावित ऐनमा अवकाश उमेर र पेन्सन व्यवस्थामा परिवर्तन हुन सक्ने चर्चापछि कर्मचारीहरूमा भविष्यप्रतिको चिन्ता बढेको बताइएको छ। प्रस्तावित व्यवस्थाअनुसार पेन्सन गणना अधिकतम ३० वर्षको सेवाअवधिमा सीमित गर्ने तथा अनिवार्य अवकाशको उमेर ५५ वर्ष कायम गर्ने विषय समावेश हुन सक्ने चर्चा छ।

यही सम्भावित परिवर्तनका कारण भविष्यमा सेवा–सुविधा प्रभावित हुन सक्ने आशंकाले धेरै कर्मचारीले समयमै राजीनामा दिएको विश्लेषण गरिएको छ। यद्यपि, प्रस्तावित निजामती सेवा ऐन अझै अन्तिम टुंगोमा पुगिसकेको छैन। सरकारले ऐनका प्रावधानबारे आवश्यक छलफल, परामर्श तथा कानुनी प्रक्रिया पूरा गरेपछि मात्र अन्तिम निर्णय हुने जनाइएको छ। निजामती कर्मचारीको बढ्दो राजीनामाले प्रस्तावित ऐनप्रति कर्मचारी वृत्तमा देखिएको चासो र अन्योललाई स्पष्ट रूपमा संकेत गरेको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

देशभर ६२.६८ प्रतिशत क्षेत्रमा मात्रै सिँचाइ सुविधा, अधिकांश किसान वर्षाकै भरमा

लुम्बिनीको बजेट : रातो किताब भित्र क्रोनिजम

जेनजी आन्दोलनका सुरक्षाकर्मीमाथिको फौजदारी कारबाही पुनरावलोकन गरिँदै

प्रदेश स्तरीय अपराध अनुसन्धान समीक्षा गोष्ठी–अनुसन्धानलाई व्यावसायिक र प्रमाणमुखी बनाउने प्रतिबद्धता

वर्षेनी एउटै प्रकृतिका बेरुजु दोहोरिनु गम्भीर चिन्ताको विषय :सभामुख अर्याल

सरकारी कार्यालयहरु लैङ्गिक मैत्री हुनुपर्नेमा सरोकारवालाको जोड

उत्कृष्ट पत्रकारिता पुरस्कारबाट तिन पत्रकार सम्मानित

भ्रष्टाचार गरेको अभियोगमा ९ जनाविरुद्ध मुद्दा दायर