© 2026
२९ बैशाख २०८३, मंगलवार
२९ बैशाख २०८३, मंगलवार
काठमान्डौँ ।
प्रमुख प्रतिपक्ष नेपाली कांग्रेसले राष्ट्रपतिले नीति तथा कार्यक्रम प्रस्तुत गरेकै समयमा बैठक छाडेर हिँडेको विषयमा प्रधानमन्त्रीको जवाफ माग गरेको छ ।
मंगलबार प्रतिनिधिसभा बैठकमा कांग्रेसले राष्ट्रपतिबाट नीति तथा कार्यक्रम प्रस्तुत प्रधानमन्त्री बाहिरिनु सामान्य दृश्य मात्रै नभएको भन्दै प्रधानमन्त्रीको जवाफ माग गरेको हो ।
मंगलबार संसद बैठक सुरु हुनेबितिकै कांग्रेस सांसदहरुले उठेर विरोध जनाएका थिए । त्यसपछि सभामुख डोल प्रसाद अर्यालले कांग्रेस प्रमुख सचेतक बासना थापालाई बोल्न समय दिए । कांग्रेस प्रमुख सचेतक थापाले लोकतान्त्रिक संसदीय अभ्यासको इतिहासमा सायद विरलै देखिने दृश्य सोमबारको बैठकमा देखिएको बताइन ।
राष्ट्रपतिबाट सरकारकै नीति तथा कार्यक्रम प्रस्तुत भइरहदा प्रधानमन्त्री सदनबाट बाहिरिनु केवल एउटा सामान्य दृश्य नभइ संवैधानिक संस्कार, संसदीय परम्परा, राज्यको उत्तरदायित्व बिपरित भएको उनले बताइन । पदभन्दा ठूलो मर्यादा र मर्यादाभन्दा ठूलो जनविश्वास भएको भन्दै उनले यस बिषयमा प्रधानमन्त्रीको स्पष्ट जवाफ माग गरिन ।
उनले संवैधानिक पदको सम्मान गर्न र संसदीय परम्परालाई कमजोर नबनाउन ध्यानाकर्षण समेत गराइन ।
© 2026
All rights reserved.
Design & Developed By:
