Butwal Today

रुद्रवेणी‐वामीटक्सार‐खरबाङ् सडक आजदेखि पुनः अवरुद्ध हुने

बुटवल टुडे
९ बैशाख २०८३, बुधबार
अ
अ+
अ-

 गुल्मी । जिल्ला प्रशासन कार्यालय गुल्मीले राष्ट्रिय राजमार्ग अन्तर्गत पर्ने रुद्रवेणी–वामीटक्सार–खरबाङ् सडकखण्ड आजदेखि पुनः अवरुद्ध हुने जनाएको छ ।

उक्त सडकखण्ड अन्तर्गत सत्यबती गाउँपालिका स्थित सिस्ने भिर क्षेत्रमा गत माघ २६ गतेदेखि सडक स्तरोन्नति गर्ने काम भइरहेको हुँदा वैशाख ९ देखि २० गतेसम्म चौबीसै घण्टा सडक बन्द हुने जनाएको हो ।

सडक डिभिजन कार्यालय पाल्पाले राष्ट्रिय राजमार्ग अन्तर्गत अति संवेदनशील र साँघुरो स्थान सिस्ने भिरमा सडक चौडा गर्ने प्रयोजनका लागि कटिङ्गको काम तीव्र रूपमा भइरहेको जनाउँदै वैशाख २० गतेदेखि उक्त काममा सहजिकरणका लागि जिल्ला प्रशासन कार्यालय गुल्मीलाई समन्वयका लागि आग्रह गरेको थियो ।

सवारी साधनका लागि वैकल्पिक सडकका रूपमा सोता–तल्लोरोड–रुपाकोट–दोकुवा–सालघारी–चोरकाटे र मजुवा–दम्का–रुपाकोट–म्यालपोखरी–चोरकाटे भित्री सडक प्रयोग गर्न सकिने जनाइएको छ ।

उक्त कार्यमा आवश्यक सहयोग तथा सहजीकरणको लागि जिल्ला प्रशासन कार्यालयले मुसिकोट नगरपालिका, चन्द्रकोट र सत्यवती गाउँपालिकालाई समेत अनुरोध गरेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

गीता पाण्डे मृ’त्यु प्रकरण : बुटवलका दुई चिकित्सक प्रहरी नियन्त्रणमा

नवलपरासीमा आगलागी, १२ घर जले

आजको मौसम पूर्वानुमान : पहाडी भूभागमा आंशिक बादल ,तराई क्षेत्रमा तातो लहरको सम्भावना

आमा बन्दा किन गुम्छ ज्यान ?

लुम्बिनी प्रदेशसभा बैठक: दलित अधिकारसम्बन्धी विधेयक पारित

अझै ३ दिन ‘लु’ को जोखिम, पाँच दिनसम्म गर्मी बढ्ने

बबई सिँचाइ आयोजनाको काम समयमा सम्पन्न नहुँदा लगानी दोब्बरले वृद्धि 

रास्वापाले प्रत्यक्ष नजितेका क्षेत्रमा समानुपातिक सांसदलाई तोक्यो जिम्मेवारी