© २०२३
६ मंसिर २०८१, बिहीबार
६ मंसिर २०८१, बिहीबार
कपिलवस्तु, १५ पुस ।
कपिलवस्तुको यशोधरा गाउँपालिका वडा नम्बर ८ सिहोखोरको बाणगंगा नदीको बगरमा निल गाई मारेर मासु भाग लगाउँदै गरेको अवस्थामा प्रहरीले तीन जनालाई नियन्त्रणमा लिएको छ ।
सिमा प्रहरी चौकी, मर्यादपुरको टोलीले निल गाईको मासु सहित पक्राउ परेका तीन जनालाई डिभिजन वन कार्यालय कपिलवस्तुमा बुझाएको छ । निल गाई मारेको सुचनाका आधारमा पुगेको प्रहरी टोलीले नदीको बगरमा भागबण्डा गर्दै गरेको अवस्थाको निल गाईको खुर भएको दुई वटा खुट्टा सहितको १२ किलो मासु सहित तीन जनालाई नियन्त्रणमा लिएर वनलाई बुझाएको सव वन डिभिजन कार्यालय चेतरादेहीका सहायक वन अधिकृत प्रेमीलाल प्रसाद साहले जानकारी दिए ।
प्रहरीले नियन्त्रणमा लिएकामा जिल्लाको यशोधरा गाउँपालिका वडा नम्बर ८ सिहोखोरका ३२ बर्षीय जमिल अहमद चौधरी मुसलमान, महाराजगंज वडा नम्बर २ पडरियाका ३८ बर्षीय नसरुल्लाह मुसलमान र सोही स्थानका २१ बर्षीय मोहम्मद ईमरान मुसलमान रहेको खुल्न आएको छ । नियन्त्रणमा लिईएका व्यक्तिलाई वन्यजन्तु सम्बन्धि ऐन अनुसारको मुद्दा चलाई थप अनुसन्धान गरिने सहायक वन अधिकृत साहले बताए ।
© २०२३
सर्वाधिकार सुरक्षित
Design & Developed By:
