© २०२३
३ पुष २०८२, बिहीबार
३ पुष २०८२, बिहीबार
काठमान्डौ, २७ मंसिर ।
नेकपा एमालेका अध्यक्ष केपी शर्मा ओलीले लोकतन्त्र जीवित रहेको र नेकपा एमाले अजम्बरी पार्टी भएको दाबी गरेका छन् ।
शनिबार भक्तपुरको सल्लाघारीमा आयोजित ११औँ महाधिवेशनको उद्घाटन सत्रलाई सम्बोधन गर्दै अध्यक्ष ओलीले तीन महिनाअघि भएको जेनजी आन्दोलनको स्मरण गरे । उनले त्यसबेला देश युद्धभूमिजस्तै जलेको अवस्था सिर्जना गरिएको उल्लेख गरे ।
“जतिबेला देश युद्धभूमिजस्तै जलिरहेको थियो, आततायी गतिविधिबाट आगजनी गरिएको थियो । संविधान, लोकतन्त्र र तिनका आधारस्तम्भ राजनीतिक दलमाथि भीषण हमला भएको थियो,” ओलीले भने, “त्यस समयमा ‘पुराना पार्टी सकिए, पुराना नेताको दिन गए, नेकपा एमालेको सान्दर्भिकता समाप्त भयो’ भन्ने भाष्य निर्माण गर्ने प्रयास गरियो ।”
तर ती सबै धुवाँ, खरानी र निषेधका प्रहारलाई चिर्दै आज भक्तपुरमा विशाल जनसागर उपस्थित भएको उल्लेख गर्दै उनले त्यसले लोकतन्त्र अझै सुदृढ रहेको प्रमाणित गरेको बताए ।
“आज यहाँ देखिएको यो जनसागरलाई हेरेर म ढुक्कसँग भन्न सक्छु— लोकतन्त्र अझै छ र नेकपा एमाले अजम्बरी छ,” ओलीले जोड दिए ।
© २०२३
सर्वाधिकार सुरक्षित
Design & Developed By:
