© २०२३
२९ मंसिर २०८२, सोमबार
२९ मंसिर २०८२, सोमबार
काठमान्डौ, २७ मंसिर ।
पूर्वराष्ट्रपति विद्यादेवी भण्डारीले नेकपा एमालेको ११औँ महाधिवेशनबारे आफ्नो धारणा सार्वजनिक गर्दै महाधिवेशन स्वस्थ, प्रतिस्पर्धी र योग्य नेतृत्व चयनमा केन्द्रित हुनुपर्नेमा जोड दिएकी छन् ।
सामाजिक सञ्जाल फेसबुकमार्फत शुभकामना सन्देश दिँदै भण्डारीले देशभरबाट आएका महाधिवेशन प्रतिनिधिहरूलाई स्वागत गर्दै प्रतिनिधिहरू राजनीतिक रूपमा परिपक्व र आफ्ना क्षेत्रका जिम्मेवार नेता भएको स्मरण गराएकी छन् । उनले देशको बदलिँदो राजनीतिक परिवेश र विश्व परिस्थितिबारे प्रतिनिधिहरूलाई सचेत रहनुपर्ने विश्वास व्यक्त गरेकी छन् ।
पूर्वराष्ट्रपति भण्डारीले महाधिवेशनलाई पार्टीको सर्वोच्च निकायका रूपमा चित्रण गर्दै भनिन्, “यो महाधिवेशन जनताको बहुदलीय जनवाद (जबज) का आधारभूत मान्यताहरूलाई आत्मसात गर्दै पार्टीभित्र लोकतान्त्रिक संवाद, स्वस्थ प्रतिस्पर्धा र सहकार्यको वातावरणलाई अझ सुदृढ बनाउन सक्षम हुनेछ । यस्तो वातावरण योग्य तथा सक्षम नेतृत्व निर्माणमा महत्वपूर्ण भूमिका खेल्नेछ ।”
मुलुक अहिले तरल राजनीतिक अवस्थाबाट गुज्रिरहेको अवस्थामा उनले पार्टीलाई प्राप्त उपलब्धिको रक्षा गर्दै थप उपलब्धि हासिल गर्न एकताबद्ध भएर अघि बढ्न आह्वान गरेकी छन् ।
© २०२३
सर्वाधिकार सुरक्षित
Design & Developed By:
