© २०२३
१९ मंसिर २०८२, शुक्रबार
१९ मंसिर २०८२, शुक्रबार
काठमाडौं, २७ साउन ।
पर्सा जिल्लास्थित कारागारमा एक कैदीको मृत्यु भएको छ । मृत्यु हुने व्यक्ति २८ वर्षीय राहुल साह हुन्, जो कर्तव्य ज्यान मुद्दामा दोषी ठहर भई २५ वर्ष कैद सजाय भोगिरहेका थिए ।
जिल्ला प्रहरी कार्यालय पर्साका प्रमुख एसपी गौतम मिश्रका अनुसार, साह मंगलबार बिहान एक्सरसाइज गर्ने क्रममा वान्ता गर्दै अचानक बेहोस भएका थिए। तत्कालै अस्पताल लगिएको भए पनि उपचारका क्रममा नारायणी उपक्षेत्रीय अस्पतालमा उनको ज्यान गएको हो ।
प्रहरीले घटनाबारे प्रारम्भिक जानकारी दिएको भए पनि मृतकका आफन्तहरूले विभिन्न आशंका र आरोपहरू सार्वजनिक गर्दै आएका छन् । उनीहरूसँग अहिले छलफल भइरहेको प्रहरीले जनाएको छ । मृतकको मृत्युको कारणबारे थप अनुसन्धान भइरहेको जनाइएको छ । यस घटनाले कारागारभित्र कैदीको स्वास्थ्य र सुरक्षा व्यवस्थाप्रति पनि प्रश्न उठाएको छ ।
© २०२३
सर्वाधिकार सुरक्षित
Design & Developed By:
