© 2026
२९ श्रावण २०८३, शुक्रबार
२९ श्रावण २०८३, शुक्रबार
काठमान्डौँ ।
नेपाली कांग्रेसको इतर पक्षले आयोजना गरेको राष्ट्रिय भेलामा सहभागी हुन पूर्वसभापति शेरबहादुर देउवा पुगेका छन् । उनी हिजो मात्रै नेपाल फर्किएका थिए ।
जेनजी आन्दोलनका क्रममा भएको आक्रमणमा परी घाइते भएका देउवा १३ फागुनको राति सिंगापुर एयरलाइन्सको उडानमार्फत सिंगापुर गएका थिए । त्यसपछि ७ चैत २०८२ मा थप उपचारका लागि हङकङ पुगेका उनी हिजो काठमाडौं फर्किएका हुन् ।
काठमाडौं फर्किएको भोलिपल्टै देउवा कांग्रेस इतर समूहले आयोजना गरेको राष्ट्रिय भेलामा सहभागी भएका हुन् ।
राष्ट्रिय भेला आयोजक समितिका संयोजक डा. शशांक कोइरालाको अध्यक्षतामा भेला सुरु भएको हो । भेलामा गत माघमा सम्पन्न कांग्रेसको विशेष महाधिवेशनको विपक्षमा रहेका देउवा तथा डा. शशांक कोइराला समूहका नेता–कार्यकर्ताको सहभागिता रहेको छ ।
भेला काठमाडौंस्थित मिराकल पार्टी प्यालेसमा भइरहेको छ ।
© 2026
All rights reserved.
Design & Developed By:
