© 2026
१४ श्रावण २०८३, बिहीबार
१४ श्रावण २०८३, बिहीबार
सिरहा । सिरहाको गोलबजारमा प्रदर्शनका क्रममा गोली लागेर एक युवकको मृत्यु भएको छ । बिहीबार दिउँसो भएको प्रदर्शनमा गोली लागेर युवकको मृत्यु भएको जिल्ला प्रशासन कार्यालय, सिरहाका सहायक प्रमुख जिल्ला अधिकारी चेतराज बरालले जानकारी दिए ।
गोलबजार–३ का वडाध्यक्ष धनप्रसाद लामाका अनुसार मृतक गणेश यादव हुन् । घटनामा अर्का एक जना घाइते भएका छन् । घाइतेको गोलबजारस्थित स्थानीय क्लिनिकमा उपचार भइरहेको लामाले जानकारी दिए ।
यसअघि गोलबजारमा दुई समूहबीच झडप भएको थियो । झडपपछि प्रदर्शनकारीले मृतकको शव सडकमा राखेर प्रदर्शन गरिरहेका छन् । ‘प्रदर्शनकारीले शव उठाउन दिएका छैनन् । उनीहरूले मृतकको शव सडकमै राखेका छन्,’ सहायक प्रमुख जिल्ला अधिकारी बरालले भने ।
प्रहरीले भने गोली नचलाएको दाबी गरेको छ । प्रहरीले हवाई फायर र अश्रुग्यास मात्रै प्रयोग गरेको बरालले बताए । घटनापछि जिल्लास्थित सुरक्षा निकायका प्रमुखहरू गोलबजारतर्फ गएका छन् । स्थिति नियन्त्रणमा लिन सबै सुरक्षा निकाय परिचालन गरिएको प्रशासनले जनाएको छ ।
© 2026
All rights reserved.
Design & Developed By:
