Butwal Today

श्रीलंकामा प्रचण्ड–जेभीपी महासचिव शिल्भाबीच भेट,कम्युनिस्ट आन्दोलनबारे छलफल

२ श्रावण २०८३, शनिबार
अ
अ+
अ-

कोलम्बो । नेपाली कम्युनिस्ट पार्टी नेकपाका संयोजक पुष्पकमल दाहाल ‘प्रचण्ड’ र श्रीलंकाको सत्तारुढ जनता विभुक्ति पेरामुना जेभीपीका महासचिव तिल्भिन शिल्भाबीच शनिबार कोलम्बोमा भेटवार्ता भएको छ। श्रीलंका भ्रमणमा रहेका संयोजक प्रचण्ड शनिबार दिउँसो कोलम्बोस्थित जेभीपीको केन्द्रीय कार्यालय पुगेका थिए। त्यहीँ भएको द्विपक्षीय भेटवार्तामा नेपाल र श्रीलंकाबीचको आपसी हित, दुई राजनीतिक दलबीचको सम्बन्ध सुदृढ गर्ने विषयमा छलफल भएको छ।

भ्रमण दलमा सहभागी नेकपा नेता माधव पन्तका अनुसार भेटका क्रममा श्रीलंकाको कम्युनिस्ट आन्दोलन, एसियाली समाजवादी दलहरूबीच एकता र सहकार्य विस्तार गर्ने विषयमा पनि विचार–विमर्श भएको थियो। त्यसैगरी, कम्युनिस्ट दलहरूबीच साझा एजेन्डा, आपसी सहकार्य तथा क्षेत्रीय राजनीतिक समन्वयलाई अझ प्रभावकारी बनाउने विषयमा समेत दुवै पक्षबीच छलफल भएको उनले बताए।

भेटवार्तामा दुवै दलका प्रतिनिधिहरूको सहभागिता रहेको थियो। यसअघि जेभीपीको केन्द्रीय कार्यालयमा महासचिव तिल्भिन शिल्भाले संयोजक प्रचण्डलाई स्वागत गरेका थिए।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

एक वर्षमै ५८ अर्बभन्दा बढी वैदेशिक लगानी प्रतिबद्धता, कृषि र पर्यटन पहिलो रोजाइ

रोल्पामा बाटोमा हिँडिरहेका बेला पहिरोमा परि एक जनाको मृ’त्यु

सार्वजनिक खरिद ऐन संशोधनले निर्माण व्यवसायी उत्साहित

साउनभित्र सञ्चालनमा आउने नागढुंगा सुरुङमार्ग

बंगलादेशमा शेख हसिनाविरुद्ध मृत्युदण्डको फैसला,अर्बौँको सम्पत्ति जफत

मनसुनको असर बढ्दो तीन महिनामा १६४ जनाको मृत्यु

ट्रक चालकको लापरबाहले रौतहटमा दुई यात्रुवाहक बस ठोक्किँदा ८ जना घाइते

“कमैयाहरूको मुक्ति नै मेरो मुक्ति हो”:इन्द्रजीत थारु