© 2026
२८ असार २०८३, आइतबार
२८ असार २०८३, आइतबार
काठमान्डौँ ।
मेडिकल व्यवसायी दुर्गा प्रसाईंलाई प्रहरीले कार्यक्रम गर्न रोक लगाएको छ ।
झापाबाट काठमाडौं फर्किएका प्रसाईंले त्रिभुवन अन्तर्राष्ट्रिय विमानस्थल क्षेत्रभित्र कार्यक्रम गर्न खोजेपछि जिल्ला प्रहरी परिसर काठमाडौंको टोलीले रोक लगाएको हो ।
जिल्ला प्रहरी परिसर काठमाडौंका एसपी पवन भट्टराईका अनुसार निषेधित क्षेत्रमा कार्यक्रम गर्न खोजिएकाले रोक लगाइएको हो । उनले भने, “पोस्टर राखेर कार्यक्रम गर्ने तयारी भइरहेको थियो । त्यसैले हामीले कार्यक्रम गर्न रोकेका छौं ।”
प्रसाईं यसअघि पनि सार्वजनिक शान्तिविरुद्धको कसुरमा पटक–पटक पक्राउ परेर छुट्दै आएका छन् । जेनजी आन्दोलनपछि उनी ६ पटक पक्राउ परिसकेका छन् ।
© 2026
All rights reserved.
Design & Developed By:
