© 2026
२६ असार २०८३, शुक्रबार
२६ असार २०८३, शुक्रबार
काठमाडौं। नेकपा ९एमाले०का नेता महेश बस्नेतले प्रधानमन्त्री बालेन्द्र बालेन शाह नेतृत्वको सरकारविरुद्ध दशैंलगत्तै सशक्त आन्दोलन गर्ने घोषणा गरेका छन्। उनले सरकारको कार्यशैलीप्रति असन्तुष्टि जनाउँदै दशैंपछि पार्टी सडक आन्दोलनमा उत्रिने बताएका हुन्।
बस्नेतका अनुसार सरकारका गतिविधि, शासन सञ्चालनको शैली तथा समसामयिक विषयलाई लिएर एमालेले जनदबाब सिर्जना गर्ने तयारी गरेको छ। उनले सरकारले जनअपेक्षाअनुसार काम गर्न नसकेको, सुशासन कायम गर्न असफल भएको तथा जनताका समस्या समाधान गर्न नसकेको आरोप लगाए।
उनले सरकारलाई आफ्नो कार्यशैली सुधार्न आग्रह गर्दै आवश्यकता अनुसार देशव्यापी आन्दोलनका कार्यक्रम सार्वजनिक गरिने संकेत पनि दिए। आन्दोलनको मिति, स्वरूप र कार्यक्रमबारे भने एमालेले हालसम्म औपचारिक निर्णय सार्वजनिक गरेको छैन।
बस्नेतको अभिव्यक्तिपछि आगामी दिनमा सत्ता पक्ष र प्रमुख प्रतिपक्षबीचको राजनीतिक गतिविधि थप तीव्र हुने अनुमान गरिएको छ। यद्यपि यस विषयमा प्रधानमन्त्री कार्यालय वा सरकारका तर्फबाट हालसम्म कुनै औपचारिक प्रतिक्रिया आएको छैन।
© 2026
All rights reserved.
Design & Developed By:
