© 2026
२१ असार २०८३, आइतबार
२१ असार २०८३, आइतबार
दाङ ।
दाङमा खेल्ने क्रममा काठले च्यापिएर एक बालकको मृत्यु भएको छ । तुलसीपुर उपमहानगरपालिका वडा नम्बर -१७ लालपुरका मिथुन बिकका ८ वर्षीय छोरा आरबको काठले च्यापिएर मृत्यु भएको हो ।
बालक शान्तिनगरमा मामाको घरमा बस्दै आएका थिए । मृतकका बुवा वैदेशिक रोजगारीको क्रममा युकेमा छन् । विदेशमै रहेको बेला श्रीमतीसँग सम्बन्ध विच्छेद भएको थियो । श्रीमतीसँगको सम्बन्ध विच्छेदपछि छोरा मामाघरमा बस्दै आएका थिए ।
बुवा मिथुन बिकले छोराको हत्या भएको आरोप लगाएका छन् । उनले घटनाको सत्य तथ्य छानबिनको माग गरेका छन् । घटना भएकै दिन छोरालाई घरमा ल्याउने तयारी रहेको बताएका छन् ।
प्रहरीका अनुसार शान्तिनगर गाउँपालिका–४ स्थिति कटान गरेर राखेको काठमा खेल्ने क्रममा काठले च्यापिएर निधन भएको प्रारम्भिक अनुमान गरिएको छ । तर घटनाको वास्तविकता पोस्टमार्टम रिपोर्टपछि मात्रै भन्न सकिने प्रहरीले जनाएको छ ।
© 2026
All rights reserved.
Design & Developed By:
