© 2026
१४ असार २०८३, आइतबार
१४ असार २०८३, आइतबार
काठमान्डौँ ।
नेकपा एमालेले पार्टीका उपाध्यक्ष विष्णु पौडेलको पक्राउको कारण स्पष्ट पार्न सरकारसँग माग गरेको छ । एमाले सांसद पुष्पराज कँडेलले पार्टीका तर्फबाट उक्त विषय संसद्मा उठाएका हुन् ।
सरकारले सम्पत्ति शुद्धीकरणसम्बन्धी अनुसन्धानका क्रममा पौडेललाई पक्राउ गरेको छ । एमाले सांसद कँडेलले यसलाई विगतमा केपी शर्मा ओलीमाथि लगाइएको आरोपकै अर्को रूप भएको टिप्पणी गरे ।
उनले उच्च ओहोदाका व्यक्तिलाई समेत पक्राउ गरेको देखाएर सम्पूर्ण विपक्षी दललाई तर्साउने र एमालेलाई बदनाम गर्ने उद्देश्यले यो कदम चालिएको आरोप लगाए । ‘विष्णु पौडेल बेकसुर हुनुहुन्छ र उहाँमाथि प्रतिशोध साँधिएको छ,’ कँडेलले भने ।
सरकारले करका दरसम्बन्धी सूचना चुहाएर गलत काम गरिरहेको तर दोष अरूमाथि थोपर्ने प्रवृत्ति देखाएको आरोप लगाउँदै उनले विष्णु पौडेललाई तत्काल रिहा गर्न माग गरेका छन् ।
© 2026
All rights reserved.
Design & Developed By:
