Butwal Today

श्री एयरलाइन्सको जहाज भैरहवामा आकस्मिक अवतरण

१४ असार २०८३, आइतबार
अ
अ+
अ-

काठमाडौं । काठमाडौंबाट धनगढीतर्फ उडेको श्री एयरलाइन्सको जहाजमा उडानकै क्रममा प्राविधिक समस्या देखिएपछि भैरहवास्थित गौतम बुद्ध अन्तर्राष्ट्रिय विमानस्थलमा आकस्मिक अवतरण गराइएको छ।

आइतबार अपराह्न करिब ४ बजे त्रिभुवन अन्तर्राष्ट्रिय विमानस्थलबाट धनगढीका लागि उडेको जहाजको ककपिटमा केही समयपछि धुवाँ देखिएको थियो। त्यसपछि पाइलटले सुरक्षा मापदण्डअनुसार तत्काल आपतकालीन प्रक्रिया अपनाउँदै जहाजलाई भैरहवामा सुरक्षित अवतरण गराएका हुन्।

जहाज सुरक्षित रूपमा अवतरण भएको र विमानमा सवार सबै यात्रु तथा चालक दलका सदस्य सकुशल रहेको श्री एयरलाइन्सले जनाएको छ। घटनापछि प्राविधिक टोलीले जहाजको विस्तृत परीक्षण सुरु गरेको छ भने ककपिटमा धुवाँ देखिनुको वास्तविक कारणबारे अनुसन्धान भइरहेको छ।

भैरहवामा रोकिएका यात्रुहरूलाई गन्तव्य धनगढी पुर्‍याउन श्री एयरलाइन्सले अर्को जहाज पठाइसकेको जनाएको छ। घटनाका कारण उडान तालिकामा केही समय सामान्य प्रभाव परेको भए पनि यात्रुको सुरक्षालाई प्राथमिकतामा राखेर आवश्यक सबै प्रक्रिया अपनाइएको एयरलाइन्सले जनाएको छ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

लुम्बिनीमा मध्य आसारसम्म २०.८ प्रतिशत रोपाइँ

विभेद विरुद्ध बुटवलबाट पाँच बुँदे साझा संकल्प जारी

लुम्बिनीमा हरित अभियान ६० हेक्टरभन्दा बढी क्षेत्रमा २५ लाख बिरुवा रोपिने

सबै कम्युनिस्ट एक ठाउँमा हुनु देशको आवश्यकता हो

सीमा जोगाउनेहरूनै नागरिकताविहीन, सुस्ताबासीले सिंहदरबार घेर्ने चेतावनी

भारत र चीनको ऋण विश्व बैंक र एडीबीभन्दा महँगो

रास्वपाको प्रदेश सभा खारेजी प्रस्ताव अपरिपक्व :वर्षमान पुन

‘स्वास्थ्य विज्ञान प्रतिष्ठान विधेयकले स्वास्थ्य क्षेत्रमा सुधार ल्याउँछ’