© २०२३
२२ मंसिर २०८२, सोमबार
२२ मंसिर २०८२, सोमबार
बुटवल–
राधाकृष्ण युवा क्लब बुटवल–५/६ ले बुटवल–१२ तामनगरका अरविन भट्टराईलाई खाद्यान्न तथा नगद सहायता प्रदान गरेको छ। लामो समयदेखि स्पाइनल कर्ड इन्फेक्सनका कारण शारीरिक रूपमा कमजोर बनेका भट्टराईको घरमा खानेकुराको समेत अभाव भएको जानकारी पाएपछि क्लबले सहयोग गरेको हो।
क्लबका वरिष्ठ उपाध्यक्ष राजकुमार भट्टराईका अनुसार क्लबले ५० केजी चामल, ५० केजी आलु, १५ केजी प्याज, ५ केजी दाल, एक प्याक तोरी तेल, ३ केजी साबुन, ५ केजी नुन, आवश्यक मसला तथा २ हजार रुपैयाँ नगद उपलब्ध गराएको छ।
क्लबका सचिव शंकर परियारका अनुसार क्लबले यसअघि पनि विभिन्न स्थानीय बिरामीहरूलाई नियमित रूपमा आर्थिक तथा सामग्री सहायता प्रदान गर्दै आएको छ।
हालै सम्पन्न २०औं सांस्कृतिक साँझबाट उठेको रकमबाट विभिन्न क्षेत्रमा उपचाररत बिरामीहरूलाई सहयोग गरिएको क्लबका कोषाध्यक्ष विश्वजित ताम्राकारले जानकारी दिएका छन्।
राधाकृष्ण युवा क्लबले लागुऔषध दुव्र्यसनविरुद्ध जनचेतनामूलक कार्यक्रम, रक्तदान तथा सरसफाइ अभियानलगायत सामाजिक गतिविधि निरन्तर सञ्चालन गर्दै आएको छ।
© २०२३
सर्वाधिकार सुरक्षित
Design & Developed By:
