खोज

बुटवल, ३ फागुन ।
नेपाल सरकारका उपप्रधान तथा शहरी विकासमन्त्री प्रकाशमान सिहले जनताको चाहना र मागलाई सम्बोधन हुने गरि विकास निर्माणलाई तिव्रता दिन अहिलेको गठबन्धन भएको दाबी गरेका छन । बुटवल उपमहानगरपालिकाको ६६ औ स्थापना दिवसको विशेष कार्यक्रमलाई शनिबार उद्घाटन गर्दै गठबन्धनबारे टिकाटिप्पणी नगर्न आग्रह गरे । ‘सरकारमा जानैका लागिमात्र राजनितिक गठबन्धन होईन ।’–उनले भने । विकास निर्माणलाई तिब्रता दिने गरि संघियताको मुल भावना र मर्म अनुसार तीन तहकै सरकारलाई अघि बढाउन गठबन्धन भएको उनले बताए । विकास निर्माण हुनुपर्ने कुरा गरिरहदा राजनितिक स्थितिरता जरुरी रहने भन्दै यसैका लागि नै दुई ठुला दलसहितका अन्य दल मिलेर वर्तमान सरकार बनेको उनले तर्क दिए । राजनितिक स्थिरताबाट नै जनताको माग अनुसारको विकासमा लाग्न मद्दत मिल्ने उनले बताए । आफ्नो पुस्तासंग साईनो गासिएको थलोको रुपमा बुटवललाई चिनेको उनले बताए । राणाकालमा बुबा गणेशमान सिह जेलबाट निस्केर बुटवल हुँदै भारत गएको कुरा पुस्तकमा उल्लेख भएको उनले बताए । स्थानिय सरकारको मापदण्ड अनुसार शहरको विकासमा जोड दिन उनले आग्रह गरे ।

कार्यक्रममा बुटवल उपमहानगरपालिकाका नगरप्रमुख खेलराज पाण्डेले नगरका ठुला विकास योजनाहरुमा केन्द्र र प्रदेश सरकारबाट सहयोग जरुरी रहेको बताए । बुटवललाई उत्कृष्ट नगरका रुपमा अघि बढाउन आफु सबै क्षेत्रलाई समेटेर अगाडी बढेको उनले बताए ।
कार्यक्रममा नगरको समग्र विकासमा योगदान दिएका विभिन्न क्षेत्रका अगुवा, अभियन्ता, टोल विकास संस्थाहरुलाई सम्मान गरिएको थियो । यसैबिच कार्यक्रममा विभिन्न जातजाती र संस्कृति झल्कने झाकीहरु समेत प्रस्तुत गरिएको थियो ।