खोज

रौतहट, ९ माघ।

रौतहटको सदरमुकाम गौर स्थित प्रादेशिक अस्पतालमा सेवा बिस्तार भएसँगै उपचार गराउन आउने बिरामीको संख्या उल्लेखनीय वृद्धि भएको छ।

प्रादेशिक अस्पतालमा पहिलो पटक महिलाको आङ्ग खस्ने रोगको सफलतापूर्वक अपरेसन भएको छ।

प्रादेशिक अस्पताल गौरका डाक्टरहरूको टिमले मंगलवार माधवनारायण नगरपालिका-६ की ४९ वर्षीया पार्वती देवीको तेस्रो डिग्रीको आङ्ग खसेको रोगको सफलतापूर्वक अपरेसन गरेको हो।

(3rd degree Uterine prolapse) अस्पतालका सर्जन डाक्टर मुरारी ठाकुर, डाक्टर शम्भु शाह, एनेस्थेसिया गौरीशंकर प्रसाद, स्क्रब नर्स दिव्या ठाकुर, ओटी इन्चार्ज गोदावरी यादव लगायत स्वास्थ्यकर्मीहरूको टिमले Vaginal Hysterectomy सफलतापूर्वक अपरेसन सम्पन्न गरेको अस्पताल व्यवस्थापन समितिका अध्यक्ष महमद अनवर हासमिले बताएका छन्।

रौतहट जिल्लामा एक मात्र प्रदेश स्तरको अस्पताल प्रादेशिक अस्पताल गौरको उपचारप्रति जिल्ला वासिको विश्वास दिनानुदिन बढ्दै गएकोले शल्यक्रिया लगायत विभिन्न सेवा प्राप्त गर्ने सेवाग्राहीको संख्यामा उल्लेखनीय वृद्धि भएको अध्यक्ष हासमिको भनाइ छ।
प्रादेशिक अस्पताल गौरमा पहिलो पटक आङ्ग खस्ने रोगको अपरेसन भएको र अब यस्तो प्रकृतिको रोगको शल्यक्रिया लगायत पाठेघरको शल्यक्रिया (Total Abdominal Hysterectomy) नियमित हुने सम्पूर्णमा जानकारी गराउँदै अध्यक्ष अनवर हासमिले स्वास्थ्य सेवा लिन जिल्ला बासीलाइ आग्रह गरेका छन्।

बिगतमा रेफरल अस्पतालको रूपमा बनेको प्रादेशिक अस्पताल गौरको पछिल्लो समय प्रायः सम्पूर्ण सेवामा सुधार भएको छ। सेवा सुधार भएसँगै अस्पतालमा उपचार गराउन आउने बिरामीको संख्यामा वृद्धि भएको छ। हाल दैनिक जसो पाठेघर, एपेन्डिक्स, सिजरियन, हार्दाजोर्नी, लगायत हृदय रोग र क्यान्सर बाहेक १० देखि १५ वटा बिरामीको विभिन्न किसिमका अपरेसन भइरहेका छन्, अस्पताल विकास समितिका अध्यक्ष हासमिले जानकारी दिएका छन्। अस्पतालमा मधेश प्रदेश सरकार र संघीय सरकारबाट विभिन्न किसिमका अत्याधुनिक उपकरण सहयोग भएको उनले बताएका छन्।

प्रादेशिक अस्पताल गौर व्यवस्थित हुँदैजाँदा हाल दैनिक जसो ओपिडीमा पाँच सयभन्दा बढी बिरामी उपचारको लागि आउने गरेका छन्। रौतहट स्थित १८ पालिकामा सरकारी स्तरमा उपचार सेवा दिन एकमात्र प्रादेशिक अस्पताल गौर रहेको छ।