© २०२३
५ जेष्ठ २०८२, सोमबार
५ जेष्ठ २०८२, सोमबार
बुटवल, २५ वैशाख ।
नेपाली सेना भित्र रहेका खेलाडीहरूको खेल विकास र खेलाडी पहिचान तथा खेलकुद मार्फत राष्ट्रलाई विश्व सामू चिनाउने उद्देश्यले बुटवलमा बाहिनीपति ट्रफी खेलकुद प्रतियोगिता सुरू भएको छ ।
२२ नम्बर वाहिनी अड्डा रामनगर ब्यारेक बुटवलले मातहत युनिटहरुका खेलाडीहरुलाई सहभागी गराई प्रतियोगिता आयोजना गरेको हो । “वाहिनीपति ट्रफी २०८२” को एक कार्यक्रमका बिच वाहिनीपति सहायक रथी पुरुषोत्तम खड्काले उद्घाटन गरेका हुन् ।
कार्यक्रममा वाहिनी अड्डाका सहायक वाहिनीपति महासेनानी सुरेश थापा, नेपाली सेनाका विभिन्न युनिटहरुका प्रमुखहरू, वाहिनी अड्डाका स्टाफ अधिकृत, पदिक, सकलदर्जालगायत सम्पूर्ण अफिसियलहरूको सहभागिता रहेको थियो ।
खेलकुद प्रतियोगितामा पुरुषतर्फ १०० मिटर दौड र सटपुट, महिलातर्फ १०० मिटर दौड (फुटवल, भलिबल, बास्केटबल, तेक्वान्दो, बक्सिङ्ग, जुडो, स्वीमिङ्ग, एथ्लेटिक्स) जस्ता खेलमा प्रतिष्पर्धा हुने नेपाली सेनाले जनाएको छ । वैशाख २४ गते देखि सुरू भएको प्रतियोगिता ३१ गतेसम्म सञ्चालन हुने आयोजकले जनाएको छ ।
© २०२३
सर्वाधिकार सुरक्षित
Design & Developed By:
