© २०२३
२८ मंसिर २०८२, आइतबार
२८ मंसिर २०८२, आइतबार
नवलपुर,२३ वैशाख ।
नारायणघाट–बुटवल सडक खण्डको दाउन्ने क्षेत्रमा फेरि पानीले कहर ल्याएको छ । बिहानै परेको पानीका कारण सडक चिप्लो र हिलो भएपछि सवारी आवागमन पूर्णरूपमा अवरुद्ध भएको हो।
विनयी त्रिवेणी गाउँपालिका–२ अन्तर्गत विश्वकर्मा मन्दिर र पैँसट्ठी मोडको क्षेत्रमा सडक अत्यधिक हिलो भएको प्रहरीले जनाएको छ। जिल्ला ट्राफिक प्रहरी कार्यालयका प्रमुख प्रहरी निरीक्षक जनकराज बञ्जाराका अनुसार, पानी रोकिनासाथ डोजर परिचालन गरेर सडक सफा गरिने र त्यसपछि मात्र सवारी चलाउने अनुमति दिइनेछ।
चार लेनमा विस्तार भइरहेको यो सडक खण्डमा राति ६ घण्टा बन्द गरेर काम भइरहेको छ, तर सामान्य वर्षा हुँदा समेत सवारी अवरुद्ध हुने समस्या बढ्दो छ। निर्माणको गति धीमा भएको र सडक नियमित बिग्रने क्रम नरोकिएपछि यात्रुहरू दैनिक हैरानीमा परेका छन्।
नारायणघाट–बुटवल सडक विस्तार आयोजनाका अनुसार आगामी असारसम्म अधिकांश काम सकिने लक्ष्य छ। तर हालको स्थिति हेर्दा त्यो समयसीमा भित्र काम सकिनेमा स्थानीयवासी र यात्रुहरू आशावादी देखिँदैनन्।
© २०२३
सर्वाधिकार सुरक्षित
Design & Developed By:
