© २०२३
५ चैत्र २०८१, मंगलवार
५ चैत्र २०८१, मंगलवार
रोआटान ।
होन्डुरसको क्यारेबियन टापु रोआटानबाट उडान भरेको एक सानो विमान सोमबार समुद्रमा दुर्घटनाग्रस्त हुँदा कम्तीमा सात जनाको मृत्यु भएको पुष्टि गरिएको छ। दमकल विभागका मेजर विल्मर गुरेरोका अनुसार, दुर्घटनास्थलबाट १० जनालाई उद्धार गरी अस्पतालमा पुर्याइएका थिए, जसमा ६ जनालाई मृत घोषित गरिएको थियो।
समुद्रमा विमानको नजिकै एक चालक दलको सदस्यको शव पनि फेला परेको थियो। विमान किनारबाट करिब एक किलोमिटर टाढा दुर्घटनामा परेको जनाएको छ।विमानमा सवार व्यक्तिहरूको सङ्ख्याबारेका रिपोर्टहरूमा केही अन्तर छन्, तर अनुमानित रूपमा १७ देखि १८ जनाको संख्या रहेको बताइएको छ। एक ४० वर्षीय फ्रान्सेली नागरिकलाई प्रमुख अस्पतालमा स्थानान्तरण गरिएको छ।
लान्सा एयरलाइन्सको उक्त विमान रोआटानबाट उडेर ला सेइबा बन्दरगाहतर्फ जाँदै थियो। दुर्घटनापछि होन्डुरसका राष्ट्रपति सिओमारा क्यास्ट्रोले आपत्कालीन समितिलाई तुरुन्त सक्रिय गर्ने आदेश दिइन्।प्रहरीका अनुसार, विमानको दुर्घटनाका कारण “स्पष्ट यान्त्रिक खराबी” थियो।
© २०२३
सर्वाधिकार सुरक्षित
Design & Developed By:
