© २०२३
२२ मंसिर २०८२, सोमबार
२२ मंसिर २०८२, सोमबार
काठमाण्डौ – नेपाली दूतावास, बैंककले वैदेशिक रोजगारीका लागि आवश्यक श्रम स्वीकृतिका मापदण्ड पूरा नगरी विदेश जान नदिन सरकारको निर्देशन अनुरूप पुनः अनुरोध गरेको छ। दूतावासले विशेष गरी कम्बोडिया, लाओस, म्यानमार र थाइल्याण्डजस्ता देशहरूमा अलपत्र परेका नेपाली नागरिकहरूको उद्धारका लागि कठिनाइहरू भोगिरहेको उल्लेख गर्दै वैदेशिक रोजगारीको प्रक्रिया पालना गर्न आग्रह गरेको हो।
हालै दूतावासले अनलाइन स्क्यामिङको काममा संलग्न दुई नेपाली नागरिकलाई थाइल्याण्ड सरकारको सहयोगमा म्यानमारको मेवाडीबाट उद्धार गरी नेपाल फिर्ता पठाएको छ। यस घटनालाई उदाहरणका रूपमा दूतावासले चेतावनी दिएको छ कि वैदेशिक रोजगारीका लागि न त कुनै प्रलोभनमा परेर छिटो र धेरै पैसा कमाउने सोच राख्नुपर्छ, न त कुनै गैरकानूनी प्रक्रियामा सामेल हुनुपर्छ।
दूतावासले सबै नेपाली नागरिकलाई वैदेशिक रोजगारीका लागि आवश्यक कानूनी प्रक्रियामा मात्रै जान अपील गरेको छ, ताकि कुनै अप्रत्याशित समस्याबाट जोगिन सकियोस्।
© २०२३
सर्वाधिकार सुरक्षित
Design & Developed By:
