खोज

बुटवल, २६ माघ । पछिल्लो पटक गत विहीबार मात्रै करिब ४ लाख रूपैयाँ बढिको भन्सार छलेर आएको सामान बुटवल देविनगर प्रहरी चौकीले बुटवल उपमहानगरपालिका ११ नहरपुर क्षेत्रबाट समायो । प्रहरीको आँखा छालेर अवैध सामान बुटवल तर्फ ल्याउँदै गर्दा दुई वटा मोरसाईकलमा स्थानीयले सामान देखेका थिए । स्थानीयले राती १२ बजे सामान रोकेर सोधपुछ गर्दै गर्दा कहाँबाट सामान ल्याएको भन्ने पुष्टी नभएपछि प्रहरी बोलाएर बल्ल सामान जिम्मा लगाइयो ।

यो एउटा प्रतिनिधि उदाहरण मात्रै हो । नेपाल भारत सीमा क्षेत्रबाट यसरी अवधै रूपमा भन्सार छलेर कपडा, चामल, पेय पदार्थ, ब्रान लगायतका सामान तस्करी भएर नेपाल भिœयाउँदै आएको पाईन्छ । बुटवल लगायतका स्थानमा यसरी अवैध रूपमा आएका सामानको खुलेयाम बिक्री समेत हुँदै आएको छ । गत बिहीबार सीमा नाकाका चौकीहरूमा खटिने नेपाल प्रहरी, सशस्त्र प्रहरीका चौकी प्रमुखहरूलाई आर्थिक लाभ देखाएर तस्करी गराईरहेको पुष्टी भएको हो ।

नेपाल भारत सीमा नाकाबाट तस्करी भएर अबैध सामान २० किलोमिटर टाढा बुटवल तिनाउपारी (नहरपुर) क्षेत्रबाट लु १३ प ४१९६ र लु ४० प २०९९ नम्बरको मोटरसाईकल र कपडा फेला परेको थियो । मोटरसाईकलमा आएका तस्करहरूले बुटबल लैजाने बताएपछि प्रहरी चौकी देबिनगरलाई खबर गरिएको थियो । तर प्रहरीले समेत उनीहरूलाई कारवाही गर्नुको साटो उल्दै स्थानीयलाई किन रोकेको भन्दै हप्काएको एक स्थानीयले बताएका छन । स्थानीय युवाहरू र तस्करहरू बीच झगडा हुन थालेपछि वडा प्रहरी कार्यालय बुटवलको टोली घटना स्थल पुगेको थियो प्रहरीले २ बटा मोटरसाईकल चार वटा कपडाका गुन्टा लगेको स्थानीयले बताए ।

यता वडा प्रहरी कार्यालय बुटवलका प्रमुख प्रहरी निरीक्षक बिष्णु बहादुर बस्नेतले चोरी तस्करी गरी सामान ल्याउने २ जना मानिसहरू सामान बोक्न प्रयोग भएका २ बटा मोटरसाईकल सामान भैरहवा भन्सार कार्यालय पठाईएको बताए । बरामद सामानहरूमा कुर्ता, सुरुवाल २ सय ६४ पिस रहेको रहेका छन् । सामान मोटरसाईकल मानिसहरूलाई अवस्यक कारवाहीका लागी बेलहिया भन्सार कार्यालय पठाईएको वडा प्रहरी कार्यालय बुटवलका प्रमुख बस्नेतले बताए । पछिल्लो समय सीमा नाकामा खटिएका प्रहरी चौकीका प्रमुखहरू अयन्त्र दरबन्दी रहेका भनसुनमा बसेकाहरू बाट तस्करी भैरहेको गुनासो आएको छ ।

दरबन्दी अन्यत्र भएकाले जुनसुकै समय जानुपर्ने भन्दै तस्करहरूलाई बढवा दिएको स्रोतको भनाई छ । अन्यत्र दरबन्दी रहेका प्रहरी कर्मचारीहरूलाई तुरून्त रवाना गर्न लुम्बिनी प्रदेशका प्रहरी प्रमुख डिआइजी दान बहादुर कार्कीले निर्देशन गरेपछी प्रहरीहरूमा खैलाबैला मच्चिएको छ । सीमा क्षेत्रमा अवैध चोरी निकास रोक्नको लागि प्रहरीको दुई प्रहरी संयन्त्र परिचालन भएका हुन्छन् । नेपाल भारत सीमा क्षेत्रमा सशस्त्र प्रहरी र ठाउँ ठाउँमा नेपाल प्रहरी पनि अवधै क्रियाकपाल नियन्त्रणको लागि खटिएको हुन्छ । तर ठाउँ ठाउँमा रहेका प्रहरी चौकीको आँखा छलेर पटक पटक अवैध सामान बुटवल लगायतका विभिन्न स्थानमा आउने क्रम रोकीएको छैन ।