© २०२३
२० मंसिर २०८२, शनिबार
२० मंसिर २०८२, शनिबार
काठमाडौ, २५ माघ ।
झापाको बिर्तामोडस्थित एक होटलमा एक युवकको शव फेला परेको छ। युवकको शव फेला परेपछि, प्रहरीले उनीसँगै होटलमा बास बसेकी युवती र होटल सञ्चालक महिलालाई पक्राउ गरेको छ।
झापाको हल्दीवारी–१ गोलधापाका ३० वर्षीय सागर बेस्राको शव आज बिहान बिर्तामोडको एभरेष्ट होटल एण्ड लजमा फेला परेको हो। जिल्ला प्रहरी कार्यालय झापाका डीएसपी कृष्णकुमार चन्दका अनुसार, सागर बेस्राले गएराति सुनसरी घर भएकी २३ वर्षीया मुना बिकसँग सो होटलमा बास बसेका थिए।
डीएसपी चन्दका अनुसार, “सागरको मृत्युपछि हामीले उनीसँगै बसेकी मुना र होटल सञ्चालक महिला यामकुमारी उप्रेतीलाई पनि नियन्त्रणमा लिएका छौँ।”
सागरसँगै बास बसेकी मुना सुनसरीको धरान–१५ की हुन् र हाल झापामा बसोबास गर्दै आएकी थिइन्। डीएसपी चन्दका अनुसार, ती युवती र युवक पतिपत्नी होइनन्।
गएराति खाना खाएर उनीहरू सँगै सुतेका थिए। युवतीका अनुसार, राति सागर कोठाभित्र बाथरुमको ढोकाको छेउमा लडेर बेहोस भएको अवस्थामा उनीहरूले देखेका थिए। त्यसपछि, मुना र होटल सञ्चालक महिलाले सागरलाई उपचारका लागि अस्पताल पुर्याए, जहाँ चिकित्सकले उनको मृत्युलाई पुष्टि गरे।यस घटनामा प्रहरी अनुसन्धान जारी राखिरहेको छ।
© २०२३
सर्वाधिकार सुरक्षित
Design & Developed By:
