खोज

बुटवल, २० माघ । नेवारी संस्कृतिले समग्र नेपालको सभ्यतालाई चिनाउने एक कार्यक्रममा बोल्ने बक्ताहरुले दाबी गरेका छन । केवल एउटा जातीको मात्र नभई समग्र नेपाल र नेपालीहरुको सभ्यतालाई यसले चिनाउने उनिहरुले दाबी गरे । नेवा देय दबू लुम्बिनी प्रदेशको भेला तथा तेस्रो अधिवेसनमा लुम्बिनी प्रदेशका पुर्व स्वस्थ्यमन्त्री भोजप्रसाद श्रेष्ठले नेपाली सभ्यतालाई चिनाउने नेवारी संस्कृति जर्गेनामा सरकारबाट आवश्यक पहल जरुरी रहेको बताए । ‘नेपाली सभ्यता जोगाउने अभिभारा अब सबै नेपालीको हो ।’– उनले भने । बुटवल नगरको बिकास र यसमा नेवार समुदायका अगुवाहरुको योगदानबारे समेत प्रकाश पार्दै विकासमा राजनीति गन्ध ल्याउन नहुने उनले बताए । नेवार र नेवार संस्कृतिको योगदानकै कारण नेपाल भाषाको रुपमा मान्यता दिने काम सरकारबाट गरिएको उनले बताए । छरिएर रहेका नेवा संघसंस्थाहरुलाई एकिकृत गर्ने काममा ध्यान जानुपर्ने बताए ।

कार्यक्रममा प्रदेश अध्यक्ष बिजुला श्रेष्ठले प्रगति प्रतिवेदन प्रस्तुत गर्दै आफ्नो कार्यकालमा भएका गतिविधिबारे प्रकाश पारे । ३ वर्षको कार्यकालमा १२ जिल्लामा संगठन बिस्तार र संस्कृति जगेर्नाको अभियान चलाएको बताईन ।

कार्यक्रममा संरक्षक नरेश ताम्राकारले नेवारहरुको साझा गान निर्माणको बारेमा प्रकाश पारे। यसैगरि नेवार संस्कृति जगेर्ना गरि भेषभुषा, भिमसेनको मन्दिर स्थापना लगायतको बारेमा प्रकाश पारे ।

कार्यक्रममा केन्द्रीय वरिष्ठ उपाध्यक्ष चन्द्रलाल राजभण्डारीले प्रदेश संगठन बिस्तारबारे प्रकाश पारे। पदभन्दा पनि कामलाई महत्व दिनु सुझाव दिदै समयमा नै संस्कार संस्कृति जगेर्नामा लाग्न सुझाव दिए। लुम्बिनी प्रदेशका अधिकाश क्षेत्रमा संगठन बिस्तार भएको भन्दै यसलाई थप प्रभावकारी बनाउने गरि लाग्न सुझाव दिए ।

कार्यक्रममा केन्द्रीय उपाध्यक्ष तथा लुम्बिनी प्रदेश संयोजक नरेशराज भण्डारीले नेतृत्वमा आउदा त्यस पद र संस्थाको गरिमालाई उचाईमा लग्ने गरि आउनुपर्ने सुझाव दिए । हरेक संस्थामा पालिका कमिटि महत्वपुर्ण हुने भन्दै विकास काम अघि बढ्ने उनले बताए ।

नेवा देय दबुको प्रदेशमा बाबुराम श्रेष्ठ सर्वसम्मत

शनिबार भएको नेवा देय दबू लुम्बिनी प्रदेशको भेला तथा तेस्रो अधिवेसनबाट बाबुराम श्रेष्ठको अध्यक्षतामा २१ सदस्यीय नया नेतृत्व चयन भएको छ । जसको वरिष्ठ उपाध्यक्षमा रुद्र प्रसाद श्रेष्ठ, महिला उपाध्यक्ष सुशिला श्रेष्ठ, उपाध्यक्ष डा अरुण कुमार श्रेष्ठ, प्रमुख सचिव अशोक कुमार श्रेष्ठ, महिला सचिव सशी श्रेष्ठ, सचिव उपेन्द्रमान प्रधान, कोषाध्यक्ष बसन्ता श्रेष्ठ, महिला सदस्य निर्मला श्रेष्ठ, शिवा श्रेष्ठ, सदस्य बसन्त कुमार श्रेष्ठ, हरि कुमार श्रेष्ठ, विष्णु कुमार श्रेष्ठ, मुक्तप्रसाद श्रेष्ठ, युज्ञ प्रसाद श्रेष्ठ, समी प्रसाद श्रेष्ठ, सुशिला श्रेष्ठ, ठाकुर कुमार श्रेष्ठ, जीवन श्रेष्ठ, डम्मर कुमार श्रेष्ठ सर्वसम्मत चयन भएका छन ।

नया नेतृत्वलाई पद हस्तान्तरण कार्यक्रम समेत गरिएको महासचिव चिरञ्जीवी श्रेष्ठले बताए ।