© २०२३
२८ मंसिर २०८२, आइतबार
२८ मंसिर २०८२, आइतबार
पोखरा, २० माघ ।
साविक विजेता एपीएफ भलिबल क्लबलाई पराजित गर्दै आयोजक टाइगर ग्रुप अफ पोखराले पाँचौं संस्करणको टाइगर कप भलिबल अन्तर्गत महिला भलिबलको उपाधि उचालेको छ।
पोखरा रगंशालास्थित कभर्डहलमा आइतबार भएको महिला तर्फको फाइनल खेलमा टाइगर ग्रुपले ३-२ को सेटमा एपीएफलाई हराउँदै उपाधि जितेको हो। यससँगै, टाइगर ग्रुपले पहिलो पटक टाइगर कपको उपाधि जित्ने उपलब्धि प्राप्त गरेको छ।
फाइनलको पहिलो सेटमा एपीएफले २५-१७ को जित हासिल गर्यो। दोस्रो सेटमा भने टाइगर ग्रुपले २९-२८ को रोमांचक जित निकाल्दै सेट बराबरी गर्यो। तेस्रो सेटमा एपीएफले २५-२१ ले जितेर फेरि अग्रता लिएको थियो, तर चौथो सेटमा टाइगर ग्रुपले २५-२२ को जित निकाल्दै सेट बराबरी गर्यो।पाँचौं र निर्णायक सेटमा टाइगर ग्रुपले १५-१३ को जित निकाल्दै प्रतियोगिता जित्यो र उपाधि उचालेको हो।महिला फाइनलको खेल समाप्त भएको केही समयपछि पुरुष तर्फको फाइनल खेल सुरु हुने बताइएको छ, जसमा गण्डकी प्रदेश र नेपाल पुलिस क्लब भिड्नेछन्।
© २०२३
सर्वाधिकार सुरक्षित
Design & Developed By:
