खोज

काठमाडौं  ।

लोकतान्त्रिक व्यवस्थामा जहाँ सरकारको हैन, विपक्षी दलका आवाज बढी सुनिनु पर्ने हो, त्यहाँ प्रतिनिधि सभामा भेदभावपूर्ण व्यवहारको आरोप लागेको छ।शुक्रबार प्रतिनिधि सभाको पाँचौं अधिवेशन शुरु हुँदा सभामुख देवराज घिमिरेले सत्तापक्ष र प्रतिपक्षका सांसदलाई असमान समय वितरण गरेका छन्।

सभामुखले सुरुमा प्रधानमन्त्री केपी ओलीलाई बोल्न समय दिए, त्यसपछि कांग्रेस सभापति शेरबहादुर देउवालाई पनि समय दिए।तर, घिमिरेले दलीय प्रतिनिधित्वका आधारमा सांसदहरुलाई बोल्ने समय दिएका थिए, जहाँ सत्तापक्षका सांसद योगेश भट्टराईलाई २० मिनेट समय दिएका थिए। भट्टराईले २० मिनेटभन्दा बढी समय प्रयोग गरे।

त्यसपछि प्रतिपक्षका सांसदलाई भने घिमिरेले समय कम दिन थाले। नेकपा माओवादी केन्द्रका सांसद हितराज पाण्डेको बोल्ने पालो आउँदा घिमिरेले उनलाई १५ मिनेट मात्र समय दिएका थिए।घिमिरे नेकपा एमालेका सदस्य भएकाले उनी प्रायः एमालेप्रति नरम हुने गरेको आरोपमा रहँदै आएका छन्।

सरकारले ६ वटा अध्यादेश ल्याएको छ, र सत्तापक्षका सांसदहरूले त्यसको बचाउ गर्दै २० मिनेट बोलेका भट्टराईले अधिकांश समय अध्यादेशको पक्षमा तर्क गरे।तर, प्रतिपक्षी दलका प्रतिनिधि पाण्डेले सरकारको आलोचना गर्दै, अध्यादेशलाई जनताका कष्ट र विपत्ति समेटेर ल्याउन खोजेको आरोप लगाए।