काठमाडौं ।
गायक विजय लामा २८६१औं सोनाम ल्होसारको अवसरमा राजधानीको टुँडिखेलमा विशेष सांगीतिक कार्यक्रम प्रस्तुत गर्न जाँदैछन्। माघ १७ गतेको दिन उनले आफ्ना चर्चित गीतहरूको प्रस्तुति दिने छन्।
गायक विजय लामा एण्ड द व्याण्डको प्रस्तुतिमा उनले नखानु पानी तोङबाको, उँभो उँभो लेकमा म जाँदा, रोसी खोला पारी, माया है बस्ला रसैले लगायतका एक दर्जन बढी लोकप्रिय गीतहरू गाउनेछन्। ल्होसार मूल समारोह समितिको आयोजनामा हुन लागेको यो कार्यक्रमको व्यवस्थापक नमस्ते साउण्ड रहेको छ।
कार्यक्रम सकिए लगत्तै गायक लामा दुबईको क्लब याक एण्ड यती एभरेष्ट बार दुबईमा प्रस्तुतिका लागि उड्ने छन्, जहाँ फेब्रुअरी १ तारिखका दिन उनले एकल प्रस्तुति दिनेछन्। यस कार्यक्रमको आयोजक दुबई नेपाली रक्स हो।
सांगीतिक यात्रासँगै सामाजिक कार्यमा पनि व्यस्त रहेका गायक लामा हाल देशभरका गरिब र असहाय टुहुरा सँग मद्दत गर्दै आएका छन्।