© २०२३
काठमाडौं,१० माघ।
नेपाल मेडिकल काउन्सिलको ७१औं लाइसेन्स परीक्षा परिणाम चिन्ताजनक आएको छ। यस वर्षको परीक्षामा अधिकांश परीक्षार्थी अनुत्तीर्ण भएका छन्, जसले शैक्षिक गुणस्तरको बारेमा प्रश्न उठाएको छ।
पुल्चोकस्थित नेपाल इन्जिनियरिङ अध्ययन संस्थानमा सञ्चालन भएको यस परीक्षा अन्तर्गत एमबीबीएस र बीडीएसका ८४४ परीक्षार्थीमध्ये केवल २६२ जना (३१.०४ प्रतिशत) उत्तीर्ण भए। यसै क्रममा ५६२ जना (६८ प्रतिशत) अनुत्तीर्ण भएका छन्।
मेडिकल समूहमा, ७७० परीक्षार्थीमध्ये १७ जना अनुपस्थित थिए। ७५३ जनाले परीक्षा दिएका थिए, तर तीमध्ये २४१ जना (३२.०१ प्रतिशत) मात्र पास हुन सके। यसमा ७ जना परीक्षार्थीको नतिजा रोकिएको छ।
बीडीएस समूहमा ९५ जनाले फारम भरेका थिए, तर ४ जना अनुपस्थित रहे। ९१ परीक्षार्थीमध्ये केवल २१ जना (२३.०८ प्रतिशत) मात्र उत्तीर्ण भए।यस उत्तीर्ण दरले मेडिकल र डेन्टल कलेजहरूको शैक्षिक गुणस्तरको पुनः मूल्याङ्कन गर्नुपर्ने आवश्यकता औंल्याएको छ।