© २०२३
१ फाल्गुन २०८१, बिहीबार
१ फाल्गुन २०८१, बिहीबार
रौतहट, ९ माघ।
रौतहटको सीमावर्ती इलाकामा खेलौना पेस्तोल देखाएर सर्वसाधारणसँग पैसा माग्ने एकजना भारतीय नागरिकलाई प्रहरीले पक्राउ गरेको छ।
पक्राउ पर्नेमा भारत बिहार मोतीहारी जिल्ला खडुही ग्राम पञ्चायत ४ का जाबिर आलमको छोरा, २० वर्षका अब्दुल कलाम रहेका छन्। जिल्ला प्रहरी कार्यालय रौतहटका सहप्रवक्ता इन्स्पेक्टर रामकुमार महतोले यो जानकारी दिएका छन्।
भारतीय सीमामा जोडिएको ईशनाथ नगरपालिका-४ मठीया गाउँको नजिकै आरोपी कलामले मङ्गलबार चाइनीज नक्कली खेलौना पेस्तोल देखाएर सर्वसाधारणसँग पैसा मागिरहेको जानकारी प्राप्त भएपछि प्रहरी चौकी मठीयाको टोलीले उनलाई पक्राउ गरेको थियो।
आरोपी कलाममाथि मुद्दा दायर गरी जिल्ला अदालत गौरबाट म्याद थमाएर अनुसन्धान भइरहेको जिल्ला प्रहरी कार्यालय रौतहटले जनाएको छ।
© २०२३
सर्वाधिकार सुरक्षित
Design & Developed By:
