© २०२३
बुटवल, ६ माघ । स्व. श्रद्धा श्रेष्ठ (खनाल) को स्मृतिमा फ्रिडम गाईजले बुटवलमा वृहत रक्तदान कार्य गरेको छ । कार्यक्रमको एक समारोहका बिच शिवनगर सामुदायिक वन उपभोक्ता समूहका अध्यक्ष मनोज गौचनले रक्तदातालाई ब्लड ब्याग हस्तान्तरण गरि उद्घाटन गरे । युवाहरुलाई रक्तदानमा अग्रसर गराउने र रगतको महत्व समुदायमा बुझाउने गरि महत्वपूर्ण कार्यक्रम भएको उनले बताए । सामाजिक तथा मानविय सेवाको कार्यमा स्वतस्फूर्त रुपमा लागिरहने कुरा आबद्ध युवाहरुको संकल्प गर्न जरुरी रहेको उनले बताए ।
नेपाल रेडक्रस सोसाईटी रुपन्देही जिल्ला शाखाका सभापति दिपक क्षेत्री नेउपाने, बुटवलका संयोजक मित्रलाल न्यौपाने, रक्त संचार सेवा केन्द्र बुटवलका सदस्य सचिव राधा ज्ञवालीले रक्तदाताहरुलाई प्रमाणपत्र वितरण गर्दै रक्तदानमा समुदायको योगदान महत्वपूर्ण रहेको बताए । नेपाल रेडक्रस सोसाईटी, रक्तसंचार केन्द्र बुटवलको प्राविधिक सहयोगमा भएको कार्यक्रममा कूल ७४ युनिट रगत संकलन भएको गाईजका युवा सरन गुरुङले बताए ।