© २०२३
२८ मंसिर २०८२, आइतबार
२८ मंसिर २०८२, आइतबार
काठमाडौं, २९ पुस ।
तराई मधेस केन्द्रित दलहरूले मोर्चा गठनको तयारीलाई तीव्रता दिएका छन्। संसदमा प्रतिनिधित्व गर्ने र संसद बाहिर रहेका तराई मधेस केन्द्रित दलहरूले एकता गरेर मोर्चा गठन गर्ने योजना बनाएका हुन्।
यसै क्रममा, मंगलबार बिहान १० बजे समर्पण एकेडेमी, धुम्बाराहीमा पहिलो संयुक्त कार्यदलको बैठक बस्ने भएको छ।
बैठकमा विभिन्न दलका नेताहरू सहभागी हुनेछन्। जसमा अशोक राइ नेतृत्वको जनता समाजवादी पार्टी (जसपा) बाट रेणु यादव र इस्तियाक राई, उपेन्द्र यादवको जनता समाजवादी पार्टी, नेपाल (जसपा-नेपाल) बाट राजकिशोर यादव, महन्थ ठाकुरको लोकतान्त्रिक समाजवादी पार्टी (लोसपा) बाट जितेन्द्र सोनल र सुरेन्द्र झा, जनमत पार्टीबाट अब्दुल खान र शरद यादव, जन प्रगतिशील पार्टीबाट शिवजी यादव, राजेन्द्र महतो नेतृत्वको राष्ट्रिय मुक्ति पार्टीबाट केशव झा, र तराई मधेस लोकतान्त्रिक पार्टीबाट वृषेश चन्द लाल उपस्थित हुनेछन्।
यो बैठक तराई मधेसका मुद्दा र राजनीतिक एकताको क्रममा महत्त्वपूर्ण माइलस्टोन बन्ने अनुमान गरिएको छ।
© २०२३
सर्वाधिकार सुरक्षित
Design & Developed By:
