खोज

काठमाडौं, २९ पुस।

राष्ट्रिय स्वतन्त्र पार्टीका सभापति रवि लामिछानेको थुनछेक बहस सुरु भएको छ।

काठमाडौं जिल्ला अदालतका न्यायाधीश माधवप्रसाद अधिकारीको एकल इजलासले सोमबार पुनः अदालतमा पेस गर्ने गरी प्रहरीको जिम्मा लगाउने आदेश दिएपछि उनलाई हिजो प्रहरी हिरासतमा राखिएको थियो। तर, आज उनी कार्यालय खुल्ने बितिकै अदालतमा पुगेका थिए, जसअनुसार अहिले उनको थुनछेक बहस सुरु भएको छ।

अधिकारीको इजलासमा भएको लामिछानेको बयान सकिएपछि पनि थुनछेक बहस सुरु नभएको कारण सोमवार अदालतमा उपस्थित गराउने सर्तमा हिरासतमा राख्ने आदेश दिइएको थियो।

हिजो अदालत खुल्नु अगावै नै बबरमहलस्थित काठमाडौं जिल्ला अदालत पुगेका लामिछानेले सुरूमा नै बयान दिएका थिए। अदालतले कास्की जिल्ला अदालतजस्तै धरौटी मागेमा उनी छुट्नेछन् भने नमागे वा बयान नसकिएमा उनी अझै हिरासतमा रहने जनाइएको थियो। तर, थुनछेक बहस नसकिएको कारण उनले कम्तिमा एक दिन हिरासतमा बस्न बाध्य भएका छन्।

उन्हें अदालत परिसरबाट प्रहरी हिरासतमा लैजाँदा उनका समर्थकहरूले बाहिर नाराबाजी गरिरहेका थिए। उनले प्रहरी हिरासतमा जानु अघि सबैलाई ‘स्यालुट’ गरेका थिए।

सूर्य दर्शन सहकारी ठगी प्रकरणमा गत कार्तिक २ गते पक्राउ परेका लामिछाने ८४ दिनपछि गत बिहीबार साँझ ६५ लाख धरौटी बुझाएर पोखराबाट छुटेका थिए। त्यहाँबाट छुटे पनि शुक्रबार जिल्ला अदालत, काठमाडौंमा स्वयं हाजिर हुने भनिए पनि समय अभावका कारण उनी शुक्रबार भने हाजिर हुन सकेका थिएनन्।

हाल कालिमाटीस्थित स्वर्णलक्ष्मी बहुउद्देश्यीय सहकारी संस्थामा भएको रकम अपचलनसम्बन्धी मुद्दामा लामिछाने प्रतिवादी बनाइएको छ, जसको कारण काठमाडौंमा पनि बयान लिइरहेको छ। जिल्ला प्रहरी परिसर, काठमाडौंले गत पुस २१ गते लामिछानेसहित ३९ जनालाई प्रतिवादी बनाउँदै मुद्दा दर्ता गर्न सुझाव दिएपछि उनी अदालतमा हाजिर भएका हुन्। उक्त सहकारीबाट ६९० बचतकर्ताको १ अर्ब १९ करोड ३० लाख ९० हजार ४९३ रुपैयाँ हिनामिना गरेको आरोप लामिछानेसहितलाई लागेको छ।