खोज

बुटवल, २६ पुस । बुटवल सुनचादी ब्यवसायी संघको चौथो/पाचौ साधारण सभा तथा दोस्रो अधिवेसनको अवसरमा स्वस्थ्य सचेतना कार्यक्रम गरेको छ । नेपाल रेडक्रस सोसाईटी, रक्तसंचार केन्द्र बुटवलको प्राविधिक सहयोगमा रक्तदान तथा ए वान हेल्थ एट केपिएल डाईग्लोष्टिकले प्राविधिक सहयोगमा स्वास्थ्य परिक्षण कार्यक्रम गरिएको हो ।

संघको सचिवालयमा शुक्रबार वृहत रक्तदान, निशुल्क आखा, मृगौला तथा मधुमेह परिक्षण कार्यक्रमको एक समारोहका बिच बुटवल उपमहानगरपालिकाका उपप्रमुख सावित्रादेवी अर्यालले उद्घाटन गर्दै ब्यवसायीक हकहित र मर्यादालाई कायम राख्दै सामाजिक उत्तरदायित्वमा समेत संस्था अगाडी रहेको बताईन । आफना सदस्यहरुको स्वस्थ्यप्रति सचेतना जगाउने गरि महत्वपूर्ण काम भएको भन्दै स्थानिय सरकारबाट समेत संस्थाको विकास र स्वदेशी दक्ष कालिगढ उत्पादनका अभियानमा साथ दिदै आएको बताईन । अघिल्लोवर्ष स्थानिय सरकारको सहयोगमा महिला कालिगढ उत्पादनको महत्वपूर्ण काम भएको भन्दै उनिहरुलाई रोजगारमा जोड्नसमेत उनले आग्रह गरिन ।

कार्यक्रममा बुटवल सुनचादी ब्यवसायी संघ रुपन्देहीका अध्यक्ष गकुल विश्वकर्माले ब्यवसायीहरुको स्वस्थ्य जाच गरि सचेतनासंगै सामाजिक उत्तरदायित्व अन्तरगत रक्तदान कार्यक्रम गरिएको बताए ।

कार्यक्रममा कार्यपालिका सदस्य सरिता खडलुक बराल, नेपाल सुनचादी महासंघका केन्द्रिय सदस्य दिपक विश्वकर्मा, महासंघका लुम्बिनी प्रदेश उपाध्यक्ष हरि बहादुर सुनार, निवर्तमान उपाध्यक्ष जोगलाल विक, संघका पूर्व जिल्ला उपाध्यक्ष एसरत्न वज्राचार्य,सहसचिव कृष्ण बहादुर सुनारले व्यवसायको प्रवद्र्धनमा व्यवसायीहरुको सहकार्य र सहअस्तित्वलाई सधै अगाडी राखेर काम गर्नुपर्ने बताए ।

कार्यक्रममा ६० युनिट रगत संकलन भएको तथा १ सय भन्दा बढीले निशुल्क स्वास्थ्य परिक्षण गरेको सचिव चुरामणी विकले बताए । यसअघि जिल्ला संघ, नगर संघ ब्यवसायी तथा कालिगढ बिच मैत्रिपुर्ण फुटसल प्रतियोगिता गरिएको थियो ।