© २०२३
२५ पुष २०८१, बिहीबार
२५ पुष २०८१, बिहीबार
विराटनगर ।
जंगली हात्तीले मोरङको सुन्दरहरैंचा नगरपालिका-१० बागझोडामा तीनवटा घर भत्काएको छ।
बुधबार बिहान करिब ४ बजे जंगलबाट बागझोडाको बस्ती पसेको एउटा जंगली हात्तीले स्थानीय खड्गमाया बराल, चन्द्रकला श्रेष्ठ, कृष्णदेव राईको घरमा क्षति पुर्याएको हो।
प्रहरीका अनुसार हात्तीले बरालको टिनको छानो भएको घरको टाटीबेरा भत्काएर १५ मन बराबर धानमा क्षति पुर्याएको छ। घरमा खानका लागि राखेको धान हात्तीले टाटी भत्काएर खाएको थियो। नखाएको धान हात्तीले वरपर छरेको थियो।
साही स्थानकी श्रेष्ठको घरको उत्तर पट्टीको गारो हात्तीले भत्काएको छ। हात्तीले गारो भत्काउँदा कोठाभित्र रहेको दराज, पलङमासमेत क्षति पुगेको प्रहरीले बताएको छ।
स्थानीय राईको घरको कच्ची बेरा पनि हात्तीले भत्काएको हो। बिहान बस्ती पसेको हात्ती तीन वटार घरमा क्षति पुर्याएपछि पुन जंगल पसेको प्रहरीको भनाइ छ।
© २०२३
सर्वाधिकार सुरक्षित
Design & Developed By:
