© २०२३
२४ पुष २०८१, बुधबार
२४ पुष २०८१, बुधबार
काठमाडौं।
आज बिहानको भूकम्पबाट भएको क्षतिको विवरण बुझ्न सशस्त्र प्रहरीले करिब २ हजार ५ सय जनालाई परिचालन गरेको जानकारी प्राप्त भएको छ। कोशी, मधेश र बाग्मती प्रदेशका विभिन्न युनिटहरूबाट उक्त संख्या परिचालन गरिएको हो।
प्रहरीका अनुसार, हालसम्म मानवीय र भौतिक क्षतिको कुनै ठोस विवरण प्राप्त भएको छैन।
भूकम्पको धक्काले आत्तिएका एक व्यक्तिले काठमाडौंको स्युचाटार स्थित घरको छतबाट हाम फाल्दा घाइते भएका छन्। उक्त व्यक्तिको उपचार मनमोहन अस्पतालमा भइरहेको छ।
यसैगरी, बाराको कलैया उपमहानगरपालिका, वडा नम्बर १, देवकोटास्थित त्रिचन्द्र माविका ११ जना विद्यार्थी बेहोस भएका छन्।
सिन्धुपाल्चोकको भोटेकोसी गाउँपालिका ४ स्थित प्रहरी चौकी भवन, रामेछापको एउटा गोठ तथा ओखलढुंगा र सोलुखुम्बुका केही घरमा क्षति पुगेको प्रारम्भिक सूचना प्राप्त भएको प्रहरीले जनाएको छ।
आज बिहान ६ बजेर ५० मिनेट जाँदा चीनको जिजाङ्ग प्रान्तको सिगात्सेस्थित दिङ्गी गाउँमा केन्द्रविन्दु भएर ७ म्याग्निच्युडको शक्तिशाली भूकम्प गएको थियो। सो भूकम्पको धक्का नेपालका कोशी, मधेश र बागमती प्रदेशका विभिन्न जिल्लाहरूमा महसुस भएको थियो।
© २०२३
सर्वाधिकार सुरक्षित
Design & Developed By:
