© २०२३
५ पुष २०८२, शनिबार
५ पुष २०८२, शनिबार
काठमाडौँ।
गत भदौदेखि रोकिएको इजरायलमा श्रमिक पठाउने प्रक्रिया अब पुनः सुरू भएको छ। छनोट भएका श्रमिकहरूको स्वास्थ्य परीक्षण शुरु भएसँगै प्रक्रिया अघि बढेको हो। यस क्रममा, योग्यता पुगेका ३ हजार ४६१ मध्ये गोलाप्रथाबाट २ हजार ११२ जना श्रमिक छनोट गरिएको छ।
पहिलो चरणमा १ हजार जना केयर गिभरका रूपमा इजरायल जानेछन्, र बाँकी श्रमिकहरू पछि लैजाने इजरायल सरकारले जनाएको छ। परराष्ट्र मन्त्रालयको सहमतिपछि यो प्रक्रिया अघि बढेको हो।
यसअघि इजरायल र हिजबुल्लाहबीचको लडाइँले तनाव बढाएपछि श्रमिक पठाउने प्रक्रिया स्थगित गरिएको थियो। नेपाल सरकार र इजरायलबीचको श्रम सम्झौताअनुसार, सरकारी संयन्त्रमार्फत दीर्घकालीन स्याहार केन्द्रमा श्रमिक पठाइने छ। हालै १,३०० भन्दा बढी नेपाली श्रमिकहरू इजरायलका दीर्घकालीन स्याहार केन्द्रमा कार्यरत छन्।
© २०२३
सर्वाधिकार सुरक्षित
Design & Developed By:
