खोज

बर्दघाट,२० पुस। अहिलेको अवस्थामा शिक्षालाई सीप र प्रबिधिसङ्ग जोड्ने आवश्यक रहेको शैक्षिक सरोकारवालाहरुले जोड दिएका छन । निजी तथा आवसीय अर्गानाइजेसन(प्याब्सन) नवलपरासीको ३४ औ बार्षीक साधारण सभामा बोल्ने वक्ताहरुले प्रबिधिमैत्री शिक्षा आवस्यक रहेको धारणा राखेका हुन् ।

निजि शैक्षिक सस्थाबाट उत्पादीत विद्यार्थीहरुले देशको नाम उचाइमा लगेको प्याब्सन नेपालका केन्द्रिय उपाध्यक्ष कृष्ण प्रसाद अधिकारीले उल्लेख गरे । “अहिले देश बिदेशमा राम्रो जागीर खाने र विद्यालय तथा बिश्वविद्यालयमा उत्कृष्ट नतिजा ल्याउने, आर्थिक रुपमा उन्नति र प्रगति गर्ने र आमाबुवाको इच्छा आकाक्षा पूरा गर्ने विद्यार्थीहरु निजी शैक्षिक सस्थाबाट अध्ययन गरेको छ्न । त्यसैले निजि शैक्षिक सस्थाले गौरव गर्ने सकिने धेरै आधारहरु रहेका छन ।“ अधिकारीले भने ।

प्याब्सन नवलपरासीको ३४ औं साधारण सभालाई सम्बोधन गर्दै उहाले प्याब्सनले २० लाख विद्यार्थी पढ्ने, २ लाख बढी शिक्षक–शिक्षिकाले रोजगारी दिने र ६अर्व स्वदेशमा नै लगानी गरेर राज्यलाई सहयोग गरेको भनाइ छ ।

प्याब्सन नेपालका सचिब सुबर्ण न्यौपाने शिक्षालाई सीपसङ्ग जोडेर दक्ष जनशक्ति उत्पादन गर्न आवश्यक रहेको बताए । । “ निजि शैक्षिक सस्थालाइ राम्रो योजना तर्जुमा र योजना अनुसार कार्यक्रम र सो कार्यक्रमलाई कार्यन्वयन गर्ने गर्ने सके निजि शैक्षिक सस्थाको भबिस्य राम्रो छ ।“ न्यौपानेले भने ।

पुर्व–केन्द्रिय सल्लाहकार सुमन गोपाल आचार्य नवलपरासी प्याब्सन एक ढिक्का र एक मत भएर अगाडि बढ्नु पर्ने उल्लेख्य गरे । प्याब्सन केवल नीजी शैक्षिक सस्थाहरुको हक हितमा लाग्नु पर्ने हो, प्याब्सनले कहिले पनि पब्लिकेनबाट कमिसन खाने, विद्यार्थीहरुको परिक्षाबाट शुल्क उठाउने काम गर्नु नहुने सुझाव दिएका थिए ।

लुम्बिनी प्रदेशका अध्यक्ष लालहरि पाण्डे, केन्द्रिय सदस्य टिकाराम न्यौपाने र प्याब्सन नवलपरासीका सल्लाहकार इन्द्र बहादुर गुरुङले बोल्दै निजी शैक्षिक सस्थाहरुमा एकमत नभएसम्म केन्द्र देखि प्रदेश र स्थानीय तहसम्म एकमत हुनु पर्ने आवश्यकता औल्याएका थिए ।
कार्यक्रममा सस्थामा योगदान गर्नु हुने व्यक्तिहरुलाई सम्मान गरिएको छ ।