© २०२३
२० पुष २०८१, शनिबार
२० पुष २०८१, शनिबार
विराटनगर ।
नेपाल प्रहरीले भारत लैजाँदै गरेको १५५ किलो गाँजा बरामद गरेको छ र यस काण्डमा संलग्न दुई जनालाई पक्राउ गरेको छ। मंगलबार राति करिब साढे १० बजे विराटनगर महानगरपालिका-१८ स्थित भट्टा चोकमा एक स्कारपियो गाडीमा लोड गरिएको गाँजा प्रहरीले फेला पारेको हो।
प्रहरीले को १ च ९५८२ नम्बरको स्कारपियो गाडीलाई रोक्ने प्रयास गर्दा गाडी चालकले छलेर भागेको थियो। त्यसपछि, प्रहरीको टोलीले गाडीलाई खोज्दै धुनी बस्ती (जहदा गाउँपालिका-१) मा फेला पारेको थियो।
मोरङ प्रहरी प्रवक्ता डिएसपी वेदप्रकाश जोशीका अनुसार, स्कारपियो चालक २४ वर्षीय राहुल विश्वकर्मा (धरान उपमहानगरपालिका-१२) र गाडीमा सवार १९ वर्षीय सुरज राई (धनकुटा शहीदभूमि गाउँपालिका-६)लाई पक्राउ गरिएको हो। उनीहरु भारततर्फ गाँजा लैजाँदै थिए।
डिएसपी जोशीले भने, “उनीहरु भरिया जस्तो देखिन्छन्।” पक्राउ परेकाहरुमाथि थप अनुसन्धान भइरहेको छ।
© २०२३
सर्वाधिकार सुरक्षित
Design & Developed By:
