सुनसरी।
आज बिहान सुनसरीको विभिन्न तीन स्थानमा शंकास्पद वस्तु फेला परेको छ। प्रहरीका अनुसार उक्त वस्तु विस्फोटक पदार्थ हुन सक्ने सम्भावना छ।
शंकास्पद वस्तु इटहरी उपमहानगरपालिकाको कार्यालय प्रवेशद्वार नजिकै, सुनसरी र मोरङको सिमानामा पर्ने बुढी खोलाको पुलमुनि र धरानको भोटे पुल नजिक फेला परेको हो। कालो झोलामा राखिएको उक्त वस्तु बम जस्तो देखिएपछि प्रहरी र नेपाली सेनाको बम डिस्पोजल टोलीले घटना स्थलमा पुगेर यसलाई निष्क्रिय बनाउन काम गरिरहेको छ।
प्रहरीले ठूलो आकारको वस्तु विस्फोटक पदार्थ हुन सक्ने आशंका गरेका छन् र सुरक्षा कारणले नजिक जानेलाई रोक लगाइएको छ।
सेनाको टोलीले पहिला इटहरी उपमहानगरपालिकाको गेट अगाडि राखिएको शंकास्पद वस्तु निष्क्रिय गरेपछि अरू स्थानमा राखिएका वस्तुहरूको पहिचान र निष्क्रियता प्रक्रिया सुरु गरिएको प्रहरी उपरीक्षक सुमनकुमार तिम्सिनाले जानकारी दिएका छन्।
अहिलेसम्म कुनै जनधनको क्षति भएको छैन र घटनास्थलको सुरक्षात्मक स्थिति कायम राखिएको छ।
