खोज

चन्द्रौटा, १५ पुस ।

कपिलवस्तुको शिवराज नगरपालिकामा नगरस्तरीय बरघर समिति गठन भएको छ । वडा नम्बर–१, उमरीमा शनिबार भएको भेलाले प्रभु थारुलाई अध्यक्षमा चयन गरेको हो । थारु समुदायको नेतृत्व पंक्तिमा रहेर सामाजिक अगुवाको भुमिका खेल्ने बरघर (अगवा)प्रथालाई अघि सारिएको थारु अगुवा प्रकाश थारुले बताए । उनले भने :“समाजमा रहेको विकृतिलाई हटाउन एक्यबद्धता जरुरी छ ।”

जसको सचिवमा सहाउ थारु रहेका छन्, भने कोषाध्यक्षमा भरोसे थारु चयन भएको समितिले जनाएको छ । १७ सदस्यीय बरघर समिति गठन भएको जनाउँदै अध्यक्ष प्रभु थारुले थारु समुदायलाई सकरात्मक दिशातिर लैजना आफूहरु मत्वपूर्ण भूमिका आवश्यक रहेको जनाए । बरघरले थारु सुमदायमा हुने गरेका स–साना झैझगडा लगायतका क्रियकलापलाई गाउँघरमै सुल्झाउने भएको हुनाले यो परम्परागत चलचलन प्रभावकारी रहेको समेत उनले बताए ।

यसैबीच राम भरत थारुले थारु कला, संस्कृतिलाई संरक्षण गर्न सबैको सहकार्य आवश्यक रहेको जिकिर गरे । उनले भनेः “हाम्रो पुर्खौली कला, संस्कृति रहेन भने हामी रहन्नौँ, धर्म परिवर्तनमा नलागौँ । जहाँ छौँ सकरात्मक सोँचौ, अडिग रहौँ आफ्नो पहिचान जोगाऔँ ।” थारु कल्याणकारीसभा कपिलवस्तुका सभापति पवन थारुले सबै मिलि एकजुट भएर भाषा, कला, संस्कृतिलाई संरक्षण प्रर्वद्धन गर्नुपर्ने बताए ।