खोज

बुटवल, १० पुस । रुपन्देहीमा सम्पन्न स्कलर्स होम जिल्लास्तरीय हाजिरीजवाफ प्रतियोगिताको उपाधि एभरेष्ट इङलिस बोर्डिङ स्कुलले चुमेको छ । स्कलर्स होम ईगलिस बोर्डिङ स्कुलको आयोजनामा बुधबार भएको प्रतियोगितामा एभरेष्टले उपाधिसंगै नगद ८ हजार नगद, कप तथा प्रमाणपत्र हात पारेको छ । प्रतियोगितामा उपविजेता ग्रिनप्लान्ट इङलिस मावि देवदह नगद ६ हजार, कप, प्रमाणपत्र तथा तृतिय देवदहकै बुद्धपब्लिक नगद ४ हजार नगद, कप तथा प्रमाणपत्रबाट पुरस्कृत भएका छन ।

एक कार्यक्रमका बिच रुपन्देही जिल्ला शिक्षा विकास था समन्वय ईकाईका प्रमुख माधव बन्जाडे, विद्यालय संचालक समितिका अध्यक्ष मनहरि बस्याल, नेशनल प्याब्सनका केन्द्रीय सदस्य देउप्रकाश राई, नेपाल अभिभावक महासंघका केन्द्रीय सदस्य लोकनाथ ज्ञवाली, पुस्तक तथा स्टेशनरी ब्यवसायि महासंघका अध्यक्ष गोपाल बस्याल, विद्यालयका प्राचार्य बाबुराम बन्जाडे, विद्यालयका प्रशासकीय अधिकृत राजु भण्डारीले पुरस्कार वितरण गरेका थिए ।

कार्यक्रममा रुपन्देही जिल्ला शिक्षा विकास था समन्वय ईकाईका प्रमुख माधव बन्जाडेले शिक्षण सिकाईसँगै विद्यार्थीलाई सवल र सक्षम बनाउन यस्ता प्रतिस्प्रधात्मक कार्यक्रम जरुरी हुने बताए । प्रतियोगितामा ३ दर्जन विद्यालयबाट फाईनलमा एभरेष्ट, होराईजन, ग्रिनप्लान्ट, अक्सफोर्ड, देवदह बुद्धपक्लीक र प्रभात इङलिस बोर्डिङ स्कुलले उपाधिका लागि प्रतिस्प्रर्धा गरेको विद्यालयका सहप्राचार्य टिकाराम गौतमले बताए ।