खोज

बुटवल, १० पुस । क्रिकेट खेल र खेलाडीलाई प्लेटफर्म दिने गरि तिलोत्तमा मेयर कप टि–२० क्रिकेट प्रतियोगिता २०८१ बुधबारदेखि शुरु भएको छ । एक समारोहका बिच तिलोत्तमा नगरपालिकाका नगरप्रमुख रामकृष्ण खाडले ब्याटिङ र उपप्रमुख जागेश्वरी देवि चौधरीले बलिङ गरि औपचारिक रुपमा शुभारम्भ गरे ।

कार्यक्रममा तिलोत्तमा नगरपालिकाका नगरप्रमुख रामकृष्ण खाडले देशको नाम चिनाउने काममा क्रिकेटबाट भएको बताए । तिलोत्तमालाई क्रिकेट खेलको हबका रुपमा विकास गर्ने गरि स्थानिय सरकारबाट अगुवाई गर्ने प्रतिवद्घता जनाए । खेलबाट पुर्वाधार विकास, युवाहरु एकजुट गरि अनुसासन र खेल विकास गर्न मद्त मिल्ने उनले दाबी गरे। खेलाडी उत्पादन हुने गरि सरोकारवाला निकायहरु लाग्न सुझाव दिए । खेलाडीहरुलाई स्थानिय पालिकाबाट सधै सम्मान र माया गर्दै आएको उनले बताए ।

कार्यक्रममा नगर खेलकुद विकास समिति तिलोत्तमाका संयोजक लोक पुनले सिमित बजेटमा खेल खेलाउन थालिएको बताए । खेलकुदको माध्यमबाट बढिभन्दा बढि पर्यटक भित्राउन सकिने सम्भावना रहेको उनले बताए । यसैगरि क्रिकेट, फुटबल, ब्याटमिन्टन खेलका ग्रासरुट गर्ने समेत तयारीमा रहेको उनले बताए । यसमा सबैको साथ र सहयोग आवश्यक रहेको उनले बताए ।

कार्यक्रममा क्यानका निवर्तमान सचिव प्रशान्त बिक्रम मल्लले सरकारबाट भौतिक पुर्वाधार नभएको बेला निजि क्षेत्रबाट वर्षदिनमा उत्कृष्ट मैदान तयार गरेको छ । मैदानसम्म पहुच पुग्नेगरि आवश्यक पुर्वाधार बनाउन जरुरी छ ।
कार्यक्रममा क्यान रुपन्देहीका कार्यबाहक अध्यक्ष धिरज क्षेत्री, नेपाली क्रिकेटका कोच बसन्त शाही, यु–१९ का को शक्ति गौचनले खेल विकासमा सरकारको लगानी जरुरी रहेको बताए ।

नवजिवन क्रिकेट खेलमैदानमा भएको उद्घाटन खेलमा वडा नं २ ले वडा ३ लाई ७ विकेटले पराजित गरेको छ । यसैगरि दोस्रो खेलमा वडा नं १६ ले वडा नं १० लाई ७ विकेटले पराजित गरेको छ । प्रतियोगितामा १६ वटा वडाहरु सहभागी भएका छन ।

प्रतियोगिताको उपाधि विजेताले नगद ५० हजार रुपैया, कप, मेडल र प्रमाणपत्र तथा उपविजेताले नगद ३० हजार रुपैया, कप, मेडल, प्रमाणपत्रबाट पुरस्कृत गरिने तिलोत्तमा क्रिकेट विकास समितिका अध्यक्ष अर्जुन पराजुलीले बताए । यसैगरि विधागत रुपमा प्लेयर अफ द सिरिज, उत्कृष्ट ब्याट्सम्यान, बलर र हरेक खेलमा उत्कृष्ट खेलाडीलाई पुरस्कृत गरिने उनले बताए । यसैगरि मनोरञ्जन हुने गरि जनप्रतिनिधि, पत्रकार, आयोजकहरुका बिचमा खेल खेलाईने उनले बताए । पुस १७ गतेसम्म प्रतियोगिता संचालन हुने छ ।