खोज

बुटवल, ८ पुस । रोटरी क्लब अफ बुटवलले शुद्धोधन गाउपालिका वडा नं. १, अन्हराठ कपिलबस्तुस्थित नेपाल राष्ट्रिय आधारभुत विद्यालयमा छात्रवृत्ति वितरण तथा खेलकुद सामग्री हस्तान्तरण गरिएको छ । विद्यालयमा अध्ययरत कक्षा ७ की सोनिया थारु र कक्षा ५ की अनुष्का थारु गरि दुई जना छात्राहरुलाई ५/५ हजार रुपैया बराबरको छात्रवृत्ति प्रदान गरिएको हो ।

एक कार्यक्रमका बिच वडा नं. १ का वडाअध्यक्ष मोहमद ताहिर, क्लबका अध्यक्ष प्रज्वल थान्जु, पूर्व अध्यक्ष राजेन्द्र लम्साल, विद्यालयका प्रधानाध्यापक श्यामदेव चौधरीले छात्राहरुलाई रकम हस्तान्तरण गरेका हुन । यसैगरि विद्यालयमा अध्ययरत साना बालबालिकाहरुलाई उपयोग हुने गरि चिप्लेटी हस्तान्तरण गरिएको क्लबका सर्भिस प्रोजेक्ट चेयर बसन्त थापा चर्तीले बताए । ‘करीब ४० हजार रुपैया लागतमा यो निमार्ण भएको छ ।’—उनले भने ।

नारायणी पश्चिमकै पुरानो र सामाजिक उत्तरदायित्वमा सधै अगाडी रहेको रोटरी क्लब अफ बुटवलको १५४४ औ नियमित बैठक आरसिसि गाउमा रचनात्मक कार्यक्रमका साथ गरिएको क्लबका अध्यक्ष प्रज्वल थान्जुले बताए । क्लबको सामुदायिक गाउमा माग भएअनुसार यो सामुदायिक सेड निमार्ण गरेर समुदायलाई हस्तान्तरण समेत गरिएको उनले बताए । कपिलबस्तुस्थित आरसिसि अन्हराठमा करीब ४० हजार रुपैया बराबरकै सामुदायिक सेड निमार्ण भएको उनले बताए ।

कार्यक्रममा रोट्याक्ट क्लब अफ क्षितिज र रोट्याक्ट क्लब अफ लुम्बिनी वाणिज्य क्याम्पसका पदाधिकारीहरु सहभागिता भएर बालबालिकाहरुसंग विभिन्न मनोरञ्जनात्मक खेलहरु खेलाएका थियो ।