खोज

जितपुर, ०५ पुस ।
कपिलवस्तु जिल्लाको बाणगंगा नगरपालिका वडा नम्बर २, पिपरामा रहेको हिलवर्ट इङलिश बोर्डिङ स्कुलले उत्कृष्ट प्रदर्शन गर्ने विद्यार्थी, शिक्षक र अभिभावकलाई एक कार्यक्रमको आयोजना गरी सम्मान गरेको छ ।
१५औँ कपिलवस्तु महोत्सवको अवसरमा शैक्षिक संघ संस्था समन्वय समिति बाणगंगा कपिलवस्तुले आयोजना गरेका विभिन्न अतिरिक्त क्रियाकलापमा उत्कृष्टता हासिल गर्नेहरूलाई पुरस्कृत गरिएको थियो । विद्यालयले महोत्सवका साथै प्याब्सन कपिलवस्तु र अन्य संस्थाहरुले आयोजना गरेका विभिन्न शैक्षिक तथा सांस्कृतिक कार्यक्रममा सहभागिता जनाउँदै विद्यालयको नाम उजागर गर्ने प्रतिभावान व्यक्तिहरूलाई प्रशंसा र सम्मान व्यक्त ग¥यो ।
विद्यार्थीको उत्कृष्टता
डान्स आइडलको १३औँ संस्करणमा द्वितीय स्थान हासिल गर्ने प्रतिज्ञा गिरी र उनका अभिभावकलाई विशेष सम्मान गरिएको थियो। महोत्सव अन्तर्गत आयोजित विद्यालयस्तरीय वकृत्वकला प्रतियोगितामा हिलवर्टले प्रथम स्थान हासिल ग¥यो। त्यस्तै, लोक नृत्यतर्फ ‘माध्यमिक तह’मा प्रथम, ‘आधारभूत तह’ लोक गायनमा द्वितीय, र छात्रा भलिबलमा दुवैतर्फ प्रथम स्थान प्राप्त गर्दै विद्यालयले विभिन्न विधामा आफ्नो उत्कृष्टता प्रदर्शन ग¥यो ।
प्याब्सनद्वारा आयोजित गतिविधिहरुमा सफलता
नीजि तथा आवासीय विद्यालय संगठन (प्याब्सन) ले आयोजना गरेका हस्तलेखन प्रतियोगितामा युकेजीदेखि कक्षा ५ सम्मका विद्यार्थीहरूले प्रथम स्थान प्राप्त गरे । आधारभूत तहको जिल्लास्तरीय निबन्ध लेखन प्रतियोगितामा पनि विद्यालयले पहिलो स्थान हात पा¥यो। कक्षा ९ देखि १२ सम्मका लागि आयोजित शैक्षिक प्रदर्शनीमा हिलवर्टले दोस्रो स्थान हासिल ग¥यो ।
विद्यालय व्यवस्थापनको भनाइ
विद्यालय व्यवस्थापन समितिका अध्यक्ष दीपक खनालले विद्यार्थीको क्षमता केवल पुस्तकमा आधारित नहुने बताउँदै, उनीहरूको बहुपक्षीय प्रतिभा उजागर गर्नु विद्यालय र शिक्षकहरूको मुख्य जिम्मेवारी भएको उल्लेख गरे । विद्यालयका प्रबन्ध निर्देशक बुद्धि पौडेलले यस प्रकारका सम्मान कार्यक्रमले विद्यार्थीहरूमा अझ ठूलो उत्साह र प्रेरणा जगाउने विश्वास व्यक्त गरे ।
कार्यक्रममा प्रबन्ध निर्देशक बुद्धि पौडेल, प्राचार्य शिव कुमार पोख्रेल, र एकेडेमी डाइरेक्टर तेजप्रसाद आचार्य लगायतको सक्रिय सहभागिता रहेको थियो । आचार्यले कार्यक्रमको सञ्चालन गरेका थिए ।
हिलवर्ट इङलिश बोर्डिङ स्कुलले शैक्षिक उत्कृष्टतासँगै अतिरिक्त गतिविधिमा पनि अग्रणी भूमिका निर्वाह गर्दै विद्यालयको नाम उच्च राख्ने परम्परा कायम राखेको छ ।