© २०२३
३ पुष २०८१, बुधबार
३ पुष २०८१, बुधबार
काठमाडौंमा प्रहरीले स्रोत नखुलेको ६८ लाख रूपैयाँसहित ४ जना व्यक्तिलाई पक्राउ गरेको छ। पक्राउ पर्नेहरूमा काठमाडौं महानगरपालिका-३२ दोभानपुल बस्ने ४६ वर्षीय राजकुमार माली, महानगरपालिका-१० का १८ वर्षीय एक किशोर, महानगरपालिका-७ का ३२ वर्षीय प्रवेशकुमार पौडेल र झापा बिर्तामोड नगरपालिका-५ का २७ वर्षीय युवराज सुवेदी रहेका छन्।
मंगलबार राति प्रहरी वृत गौशलाबाट खटिएको टोलीले उनीहरूलाई पक्राउ गरेको हो। जिल्ला प्रहरी परिसर काठमाडौंका एसपी नवराज अधिकारीका अनुसार, पक्राउ परेका व्यक्तिहरूलाई प्रदेश ३-०१-०२२ च १९७२ नम्बरको कारमा सवार अवस्थामा नियन्त्रणमा लिइएको हो।
उनीहरूको साथबाट ६८ लाख रूपैयाँ, ५ थान चेक र ५ थान मोबाइल बरामद गरिएको छ। यस घटनामा प्रहरीले थप अनुसन्धान जारी राखेको जानकारी दिइएको छ।
© २०२३
सर्वाधिकार सुरक्षित
Design & Developed By:
