खोज

चन्द्रौटा(कपिलवस्तु), २६ मंसिर ।

लुम्बिनी प्रदेश सभासदस्य एवम् वन तथा वातावरण पुर्व मन्त्री अर्जुन कुमार केसीले सहकारीका सदस्यहरुलाई उत्पादनमुखी काम र व्यवसायिकतामा उन्मुख हुनुपर्ने बताएका छन् । कपिलवस्तुको शिवराज नगरपालिका वडा नम्बर ५ स्थित सहज बचत तथा ऋण सहकारी संस्थाको १७औं साधारणलाई उनले सम्बोधन गर्दै उनले यस्तो बताएका हुन् ।

सहकारीको माध्यमबाट ऋण लिँदा फजुल खर्च नगरी, बचत र व्यवसायमा लगानी गरी व्यवसायिक बन्न आग्रह मन्त्री केसीले आग्रह गरे । समाज परिवर्तनमा सहकारीको भूमिका उल्लेख गर्दै सानोसानो रकम जम्मा गरेर बचत गर्ने बानीको विकास गर्न आवश्यक रहेको समेत उनले बताए ।

यसैबीच कार्यक्रममा शिवराज नगरपालिका वडा नम्बर २ का वडा अध्यक्ष रामबहादुर चौधरीले महिलाहरु सहकारीमार्फत आत्मनिर्भर र व्यवसायिक बन्न थालेको कुरा उल्लेख गरे । सहकारी संस्थाले उत्पादनमूलक काममा बढी ध्यान दिनु पर्ने आवश्यकता रहेको उनको भनाइ छ ।

सहकारीका अध्यक्ष तुल्सा बुढाथोकीले संस्थाको प्रगति प्रतिवेदन प्रस्तुत गर्दै संस्थाले सदस्यहरुलाई सहज सेवा प्रदान र सामाजिक कार्यमा सक्रिय रहेको उनको दावी छ । सहकारी मार्फत व्यवसाय विस्तार तथा क्षमता विकासका लागि अझै तिव्र रुपमा लागिपरेको अध्यक्ष बुढाथोकीको जनाईन् ।

गत आर्थिक बर्ष सहकारीले करिब ७ करोड ५ लाख रकम बराबरको कारोबार र एक हजार ५९९ शेयर सदस्य रहेको सहकारीको प्रतिबेदनमा उल्लेख छ । यसैबीच उकृष्ट असल ऋणी तथा सहकारीमा आबद्ध जेष्ठ नागरिकहरुलाई मंगलबार सम्मान समेत गरिएको व्यवस्थापक कल्लु थारुले बताए ।