खोज

बुटवल, २४ मंसिर । बुटवल कालिका कलेजको ११ औ वार्षिकोत्सव तथा अभिभावक दिवस २०८१ सम्पन्न भएको छ । सोमबार एक समारोहका बिच लुम्बिनी प्रदेशका शिक्षामन्त्री जन्मजयन्त तिमिल्सिनाले कार्यक्रमको उद्घाटन गर्दै कालिका सामुदायिक क्षेत्रको देशकै नमुना शैक्षिक संस्था भएको बताए । शिक्षामा योगदान दिएका संस्थाहरुको विकासमा प्रदेश सरकारको सधै सकारात्मक रहेको भन्दै उनले लगानी अनुसार प्रतिफल दिने गरि लाग्न सुझाव दिए ।

कार्यक्रममा बुटवल उपमहानगरपालिकाका नगरप्रमुख खेलराज पाण्डेयले शिक्षा र स्वस्थ्यको नामबाट गर्व गर्ने रुपमा बुटवल चिनिएको बताए । नगरबाट शिक्षामा २६ प्रतिशत बजेट बिनियोजन गरेको उनले बताए । विधार्थीहरुको संख्या र नतिजाको आधारमा सरकारबाट बजेट बिनियोजन गर्नुपर्ने उनले सुझाव दिए । शिक्षा पर्यटनको रुपमा बुटवललाई अघि बढाउन सकिने उनले बताए । बुटवलमा अध्ययनकै लागि ८० हजार विद्यार्थीहरु रहेको र त्यसमध्ये ५० हजार बाहिरी जिल्लाबाट बसको उनले बताए । यसबाट पनि बुटवल शिक्षाको हब बनेको प्रमाणित भएको उनले बताए ।

कार्यक्रममा क्याम्पसका प्राचार्य घनश्याम पाठकले सिकाउ, टिकाउ र विकाउ भन्ने नारासहित अघि बढेको उनले बताए । कलेजबाट यस क्षेत्रमा नै सर्वाधिक ३९ लाख रुपैया बराबरको छात्रवृद्घि वितरण गरेको उनले दाबी गरे । प्रगति पथमा ग्राफ उचाईमा देखिएको भएपनि केहि चुनौती आईपरेको छ । ब्याचलर पढ्ने विधार्थीको विदेश जाने लर्को अहिले चुनौती बनेको छ । प्रदेशस्तरकै लाईब्रेरी स्थापना अघि बढेको भन्दै यसलाई अनुसन्धान थलोको रुपमा विकास गर्ने योजना रहेको उनले बताए ।

कार्यक्रममा क्याम्पस सभा सदस्य भुपाल कुमार श्रेष्ठले क्याम्पसको नाम उचो गराउन विधार्थी, अभिभावक र विधालयका सरोकारवालाहरुको भुमिका महत्वपुर्ण हुने बताए । विधार्थीको पहिलो पाठशाला घर र त्यसपछिको विधालय हुदा अनुसासनसहितको शिक्षा आजको आवश्यकता भएको बताए । छात्रवृत्ति अक्षयकोष स्थापनाको बारेमा प्रकाश पारे ।

यसैबिच क्याम्पसको गतिविधिलाई संचार क्षेत्रबाट प्रचारप्रसारमा योगदान दिएका बुद्घ टिभिका कपिल ज्ञवालीलाई उत्कृष्ट पत्रकारीता पुरस्कारबाट सम्मान गरिएको छ । गतवर्ष स्थापना भएको पुरस्कारको पहिलो वर्ष पत्रकार स्वस्तिक श्रेष्ठ पुरस्कृत भएका थिए । यसैगरि बिबिएस प्रथम वर्षमा नेपाल प्रथम भएका शिवचन यादव, दोस्रो भएका बिसिए का सन्ध्या पौडल लगायत ३ दर्जन बढी विद्यार्थीहरुलाई नगदसहित सम्मान गरिएको थियो ।

कार्यक्रममा कलेज ब्यवस्थापन समितिका अध्यक्ष होम बहादुर गलामीले सामुदायिक कलेज स्थापना गर्दाको कठिनाईबारे प्रकाश पार्दै पछिल्लोसफलतालाई कायम राख्ने चुनौती आईपरेको बताए । कार्यक्रममा क्याम्पसको वार्षिक मुखपत्र नया कदम बिमोचन गरिएको थियो ।