© २०२३
११ पुष २०८१, बिहीबार
११ पुष २०८१, बिहीबार
जाजरकोट ।
मध्यपहाडी लोकमार्ग अन्तर्गत जाजरकोटको भेरी नगरपालिका-१० नुवागाउँ नजिक जीप दुर्घटना हुँदा दुई जनाको मृत्यु भएको छ । दुर्घटनामा एक जना घाइते भएका छन् ।
कार्कीगाउँबाट जगतिपुरतर्फ जाँदै गरेको प्रदेश ३-०१-०२३ च ४७१९ नम्बरको बोलेरो जीप नुवागाउँको घुम्तीमा दुर्घटनामा परेको थियो । जीप सडकबाट करिब सात सय मिटर तल खसेको प्रहरीले बताएको छ ।
प्रहरीका अनुसार मृत्यु हुनेमा कैलाली जिल्ला घर भई हाल भेरी नगरपालिका-७ मध्यपहाडी लोकमार्गमा कार्यरत अन्दाजी वर्ष २४ का मनोज केसी र सोही आयोजनामै काम गर्ने जुम्ला घर भएका अन्दाजी २२ वर्षका मिथुन हमाल रहेको जिल्ला प्रहरी कार्यालय जाजरकोटका प्रहरी प्रमुख डीएसपी पुरूषोत्तमप्रसाद पाण्डेले जानकारी दिनु भयो ।
घाइते एक जना दाङ जिल्ला घोराही उपमहानगरपालिका-८ घर भई मध्यपहाडी लोकमार्गमै कार्यरत अन्दाजी वर्ष २२ का कमल चौधरीको जिल्ला अस्पताल जाजरकोटमा उपचार भइरहेको प्रहरीले जनाएको छ ।
© २०२३
सर्वाधिकार सुरक्षित
Design & Developed By:
