खोज

बुटवल, १६ मंसिर ।

इलाका प्रहरी कार्यालय बुटवलले ब्रान्डेड मदिरा बनाउन प्रयोग हुने मदिराका ढकन सहित एकजनालाई पक्राउ गरेको छ । भारतमा निमार्ण गरेर चोरी तस्करी गरेर नेपाल ल्याउदै गरेको अवस्थामा बुटवल प्रहरीले चेकजाँच गर्दा बिभिन्न ब्राण्डका मदिराका ढकन १२ सय ५ पिस १९ ठेली बिल छाप समेत फेला पारेको इलाका प्रहरी कार्यालय बुटबलका प्रमुख प्रहरी नायब उपरीक्षक बिजयराज पण्डितले बताए ।

भैरहवातर्फ बाट बुटवल तर्फ आईरहेको लु २ ख ६८१९ नम्बरको बसमा खानतलासी गर्दा रुपन्देहीको सिद्धार्थ नगरपालिका १ बस्ने शशांक खनाललाई चेकजाँच गर्दा बिदेशी मदिरा बनाउन प्रयोग हुने मदिराका ढकन फेला परेको हो ।

पक्राउ परेका खनाललाई अवश्यक कारवाहीका लागि राजश्व कार्यालय बुटवल पठाइएको प्रमुख पण्डितले बताए । नेपाल उत्पादन नहुने बिदेशी महंगा ब्राण्डका मदिरा बनाउन उक्त सामान ल्याईएको पाइएको हो । डबल ब्याकमा प्रयोग हुने ढकन २ सय पिस ब्लकलेवलमा प्रयोग हुने ढकन ३ सय ४५ पिस रेडलेबलमा प्रयोग हुने ढकन १ सय ५० पिस तथा बिभिन्न बिदेशी मदिरा का बोतलमा लाग्ने बिभिन्न कम्पनीका ढकनहरु फेला पारेको प्रहरीले जनाएको छ ।

बोतलको बाहिर र्याप गर्ने स्टिकर २ रोल, ग्लोबल टुरिजम फर्म लेखेको बिल १ ठेली, हरियो रातो रङ स्टिकर २४ पिस, १२ लेखेको रातो स्टिकर ३ पिस, एल के एस लेखेको रातो कालो ढकन १ सय पिस फेला परेको हो । यस्ता ढकनहरु प्रयोग गरेर नेपालमा बिदेशी कम्पनीका महगा नक्कली मदिरा बनाउन प्रयोग हुने देखिएको छ । बजारमा हुने यस्ता अबैध कारोबारले नेपालको राजश्वमा ठुलो घाटा लाग्ने देखिएको छ ।